पुणे : सॅलिसबरी पार्क परिसरात अपघात झाल्याची बतावणी करुन मोटारचालकाला लुटणाऱ्या चोरट्यांना स्वारगेट पोलिसांनी अटक केली. राेहित सूर्यकांत कांबळे (वय २१), सागर शिवानंद जळकुटे (वय २४, दोघे रा. ओैद्योगिक वसाहत, गुलटेकडी ) अशी अटक करण्यात आलेल्यांची नावे आहेत. याबाबत एका व्यावसायिकाने स्वारगेट पोलीस ठाण्यात फिर्याद दिली आहे. तक्रारदार व्यावसायिक ६ फेब्रुवारी रोजी सायंकाळी साडेपाचच्या सुमारास सॅलिसबरी पार्क परिसरातून मोटारीतून निघाले होते. त्या वेळी दुचाकीवरुन कांबळे आणि जळकुटे आले. त्यांनी मोटारीला पाठीमागून धडक दिली. मोटारीचा वेग कमी झाल्यानंतर त्यांनी मोटारचालक व्यावासयिकाला अडवून वाद घालण्यास सुरुवात केली. अपघात झाल्याची बतावणी करुन मोटारचालकाकडे नुकसान भरपाईपोटी पैशांची मागणी केली. मोटारचालकाने पैसे देण्यास नकार दिल्यानंतर आरोपींनी त्यांच्या गळ्यातील ४० हजारांची सोनसाखळी हिसकावून नेली.
हजारपेक्षा जास्त प्रीमियम लेखांचा आस्वाद घ्या ई-पेपर अर्काइव्हचा पूर्ण अॅक्सेस कार्यक्रमांमध्ये निवडक सदस्यांना सहभागी होण्याची संधी ई-पेपर डाउनलोड करण्याची सुविधा
