पुणे: खासगी प्रवासी बसमधील महिलांचा ऐवज चोरणारे गजाआड

पुणे: खासगी प्रवासी बसमधील प्रवासी महिलांचा ऐवज लांबविणाऱ्या चोरट्यांना वानवडी पोलिसांनी परभणी जिल्ह्यातील गंगाखेड परिसरातून अटक केली. त्यांच्याकडून सोन्याचे दागिने, मोबाइल संच असा तीन लाख ७६ हजारांचा मुद्देमाल जप्त करण्यात आला असून चोरट्यांकडून आणखी काही गुन्हे उघड होण्याची शक्यता आहे.

आणखी वाचा

पिस्तूल बाळगणारा सराइत गजाआड, कात्रज बाह्यवळण रस्ता परिसरात कारवाई

१८ नोव्हेंबर पंचांग: संकष्टी चतुर्थी १२ पैकी कोणत्या…

मुंबई : गस्तीवर असलेल्या पोलीस अधिकाऱ्यावर हल्ला

पुणे : कोयता बाळगणाऱ्या तडीपार गुंडाला पकडले

३०० कोटींच्या गैरव्यवहारातील सहभागाची भीती दाखवून महिला अधिकाऱ्याकडून खंडणी उकळली; चौघांविरोधात गुन्हा

कल्याणमध्ये रिक्षेत विसरलेला आठ लाखाचा ऐवज महिला प्रवाशाला परत

पुणे : एटीएममधून रोकड चोरणाऱ्या चोरट्याला पकडले; सुरक्षारक्षक, वाहतूक पोलिसांची तत्परता

पुणे : शहरात लुटमारीचे प्रकार वाढीस, दुचाकीस्वार तरुणांना लुटले

शिवा राजू शिंदे (वय ३०), के. तेजा उर्फ सुर्या शिंदे (वय २०, रा. दोघे रा. गंगाखेड, परभणी) अशी अटक करण्यात आलेल्यांची नावे आहेत. याबाबत एका महिलेने फिर्याद दिली आहे. २ एप्रिल रोजी फिर्यादी महिला लातूर ते पुणे या मार्गावर खासगी बसने प्रवास करत होत्या. पहाटे पाचच्या सुमारास त्या वानवडी भागातील क्रोम मॉलसमोर उतरल्या. त्यांनी पिशवी तपासली. तेव्हा पिशवीतील दहा तोळ्यांचे दागिने लांबविण्यात आल्याचे लक्षात आले. त्यांनी पोलीस ठाण्यात धाव घेऊन तक्रार नोंदविली. पोलिसांनी तपास सुरु केला. तेव्हासंशयीत आरोपी परभणीतील गंगाखेडमध्ये असल्याची माहिती पोलिसांना मिळाली.

आणखी वाचा- कोट्यवधींचा गंडा घालणाऱ्या ‘क्रिप्टोबिझ’च्या संचालकासह दोघे अटकेत

पोलिसांच्या पथकाने गंगाखेड येथून आरोपी शिवा आणि सूर्या शिंदे यांना ताब्यात घेतले. चौकशीत त्यांनी गुन्हा केल्याची कबूली दिली. परिमंडळ पाचचे पोलीस उपायुक्त विक्रांत देशमुख यांच्या मार्गदर्शाखाली वरिष्ठ पोलीस निरीक्षक भाऊसाहेब पटारे, उपनिरीक्षक अजय भोसले, विनोद भंडलकर, महेश गाढवे, संदीप साळवे, विष्णू सुतार आदींनी ही कारवाई केली.