लोणावळ्यात पर्यटकांनी मोठी गर्दी केली आहे. आज सुट्टी असल्याने मुंबई, पुणे आणि पुणे जिल्ह्यातील विविध भागातून पर्यटक लोणावळ्यात दाखल झाले आहेत. लोणावळ्यातील भुशी धरणावर शेकडो पर्यटकांनी गर्दी केल्याने भुशी धरण हाऊसफुल झाले आहे. टायगर, लॉयन्स पॉईंट या ठिकाणी पर्यटकांनी एकच गर्दी केल्याचं बघायला मिळालं.
१५ ऑगस्ट स्वातंत्र्य दिनाच्या सुट्टीच औचित्य साधून हजारो पर्यटक लोणावळ्यात दाखल झाले आहेत. लोणावळ्यामध्ये टायगर आणि लाइन्स पॉईंटकडे जाणाऱ्या मार्गावर वाहनांच्या लांबच लांब रांगा लागल्या आहेत. त्याचबरोबर भुशी धरण, टायगर पॉईंट, लायन्स पॉईंट या ठिकाणी गर्दी केलेली आहे. महाराष्ट्रातील कानाकोपऱ्यातून आणि पुणे, पिंपरी- चिंचवड, मुंबई परिसरातून पर्यटक लोणावळ्यात येत असतात. आज 15 ऑगस्ट पासून स्वातंत्र्यदिनानिमित्त औचित्य साधून अनेक पर्यटक लोणावळ्यात कुटुंबासह दाखल झाले आहेत. सह्याद्रीच्या कुशीत वसलेल्या लोणावळ्याचे सौंदर्य बघण्यासाठी पर्यटकांची झुंबड उडते. ते चित्र आज भुशी धरणावर बघायला मिळालं. भुशी धरणावर पर्यटकांची मोठ्या प्रमाणावर गर्दी झाली होती.
