पुणे : डाॅक्टर महिलेचा विनयभंग करून पतीला जिवे मारण्याची धमकी दिल्याप्रकरणी हडपसर पोलिसांनी एकास अटक केली.अतुल वसंत घुले (वय ४२, रा. मांजरी) असे अटक करण्यात आलेल्याचे नाव आहे. याबाबत एका डाॅक्टर महिलेने हडपसर पोलीस ठाण्यात फिर्याद दिली आहे. तक्रारदार महिलेचा मांजरी भागात दवाखाना आहे. आरोपी घुले याची दवाखान्याशेजारी खाणावळ आहे. आरोपी घुले उपचाराचा बहाणा करून दवाखान्यात यायचा. घुले याने डाॅक्टर महिलेशी लगट करण्याचा प्रयत्न करुन लज्जास्पद वर्तन केले.घुले याने डाॅक्टर महिलेचा पाठलाग करून तिला जिवे मारण्याची धमकी दिली. घाबरलेल्या डाॅक्टर महिलेने पोलिसांकडे धाव घेऊन तक्रार दिली. सहायक पोलीस निरीक्षक जाधव तपास करत आहेत.
