पुणे: आई रागावल्याने निघून गेलेली तीन भावंडे पोलिसांमुळे सुखरूप घरी परतली

पुणे: आई रागावते म्हणून लोणीकाळभोरमधील तीन भावंडे घरातून बेपत्ता झाली होती. या घटनेची माहिती मिळाल्यानंतर पोलिसांच्या पथकांनी तातडीने तपास सुरु केला. लष्कर परिसरात तीन भावडांना पोलिसांनी ताब्यात घेतले.

आणखी वाचा

भोसरी विधानसभा: पराभव दिसत असल्याने पैसे वाटप केल्याची बदनामी – अजित गव्हाणे

Nana Patole : निकालाआधी राजकीय घडामोडींना वेग; यातच…

राजकिय वातावरण गढूळ करणाऱ्या शिंदे पिता-पुत्राचे राजकारण संपविण्याची वेळ आली आहे; मनसे आमदार राजू पाटील यांची संतप्त प्रतिक्रिया

बॅग तपासणीवरून नवे वादंग; नाहक त्रास देण्याचा प्रयत्न, महाविकास आघाडीचा आरोप, विरोधकांकडून केवळ राजकारण : महायुतीचे प्रत्युत्तर

हडपसरमध्ये राष्ट्रवादी काँग्रेसमध्ये वर्चस्वासाठीची लढाई

पंतप्रधानांच्या दौऱ्यानिमित्त कडक पोलीस बंदोबस्त

लक्षवेधी लढत : धार्मिक ध्रुवीकरणाचा प्रयोग यशस्वी होणार?

महाविकास आघाडीतील गोंधळ मंत्री सुरेश खाडे यांच्या पथ्थ्यावरच

याबाबत एका महिलेने लोणीकाळभोर पोलीस ठाण्यात फिर्याद दिली. लोणीकाळभोर परिसरातील कदमवाक वस्तीत महिला राहायला आहेत. तिचे पती लोणी रेल्वे स्थानक परिसरात काम करतात. महिलेला तीन लहान मुले आहेत. प्रापंचिक व्यापामुळे महिला नऊ वर्षाच्या मुलीला रागावली. त्यामुळे मुलीला राग आला. त्यानंतर ती लहान बहीण आणि भावाला घेऊन घरातून बाहेर पडली. रात्री उशीरापर्यंत मुले घरी न परतल्याने महिलेने पोलिसांकडे धाव घेतली.

आणखी वचा- लेखक-प्रकाशक साहित्य संमेलनाच्या अध्यक्षपदी अशोक कोठावळे यांची निवड

तीन मुले एकाचवेळी बेपत्ता झाल्याने पोलिसांनी तातडीने तपास सुरु केला. लोणीकाळभोर पोलीस ठाण्यातील चार पथकांनी मुलांचा शोध सुरु केला. पुणे-सोलापूर रस्त्यावरील कदमवाक वस्तीपासून वेगवेगळ्या भागातील सीसीटीव्ही कॅमेऱ्यांनी केलेले चित्रीकरण तपासण्यात आले. तीन मुले बसने पुण्याकडे गेल्याचे चित्रीकरणात आढळून आले. त्यानंतर पोलिसांच्या पथकाने पुणे शहरातील मध्यभागात मुलांचा शोध सुरु केला. मध्यरात्री लष्कर भागातील कुरेशी मशीदीबाहेर तीन मुले पोलिसांना आढळून आली. पोलिसांनी मुलांना ताब्यात घेऊन आईच्या ताब्यात दिले.