पुण्यात आजचा दिवस पावसाचा; दिवसभर जोरधारा, उद्याही पाऊस राहणार

पुणे : पुणे, पिंपरी-चिंचवड शहर आणि जिल्ह्यात बुधवारचा दिवस पावसाचाच ठरला. शहर आणि परिसरात विविध भागात सकाळपासूनच पावसाची हजेरी होती. या कालावधीत काही भागांत मुसळधारा कोसळल्या. दिवसभराच्या पावसाने नागरिकांची तारांबळ उडाली. पावसाने रस्त्यांवर मोठ्या प्रमाणावर पाणी जमा झाले होते. प्रमुख रस्त्यांवर वाहतुकीची कोंडी झाल्याने वाहन चालकही हैराण झाले. पुणे वेधशाळेने दिलेल्या अंदाजानुसार गुरुवारीही शहर आणि परिसरात पावसाचा जोर कायम राहणार आहे.