मेट्रोच्या कामासाठी गणेशखिंड रस्त्यावर वाहतूक बदल

थोरात चौकाकडून (मॅाडेल कॅालनी) येथून सूर्यमुखी दत्तमंदिर चौकातून उजवीकडे वळून वीर चापेकर चौकाकडे जाणाऱ्या वाहनांना उजवीकडे वळण्यास मनाई करण्यात आली आहे, असे वाहतूक शाखेचे पोलीस उपायुक्त श्रीरामे यांनी सांगितले. पर्यायी मार्ग पुढीलप्रमाणे- रेंजहिल्स चौक, विद्यापीठ चौकाकडून ये- जा करणारी वाहने वीर चापेकर चौकातून अटल बिहारी वाजपेयी उड्डाणपुलाखालून यूटर्न घेऊन सूर्यमुखी दत्तमंदिर चौकातून डावीकडे वळून थोरात चौक किंवा सरळ विद्यापीठ चौकाकडे जातील. थोरात चौकाकडून सूर्यमुखी दत्तमंदिर चौकातून उजवीकडे वळणारी वाहने थोरात चौक, ललित महल चौकातून डावीकडे वळून वीर चापेकर चौकातून इच्छितस्थळी जातील.