पुणे : पशुसंवर्धन विभागाचे आयुक्त कौस्तुभ दिवेगावकर यांची महाराष्ट्र राज्य वखार महामंडळाचे अध्यक्ष व व्यवस्थापकीय संचालक म्हणून बदली झाली आहे. पशुसंवर्धन खात्याची जमीन एमआयडीसीला देण्यास विरोध केल्यामुळे त्यांची बदली झाल्याची चर्चा आहे.
दिवेगावकर यांच्या बदलीबाबतचा आदेश गुरुवारी (५ सप्टेंबर) अपर मुख्य सचिव (सेवा) व्ही. राधा यांनी काढला आहे. त्यांच्या जागेवर महाराष्ट्र राज्य वखार महामंडळाचे अध्यक्ष व व्यवस्थापकीय संचालक डॉ. प्रवीणकुमार देवरे यांची नियुक्ती करण्यात आली आहे. ‘पशुसंवर्धन विभागाच्या ताब्यात असलेल्या ताथवडे – थेरगाव येथील ७१.९८ हेक्टर जमिनीपैकी ६६.३० हेक्टर जमिनीची एमआयडीसीने मागणी केली होती. पण या जमिनीवर राष्ट्रीय गोकुळ मिशन अंतर्गत विविध प्रकल्प सुरू असल्यामुळे या जमिनीची पशुसंवर्धन विभाग आणि महाराष्ट्र पशुधन विकास महामंडळाला गरज असल्याचा अहवाल पशुसंवर्धन विभागाकडून राज्य सरकारला देण्यात आला होता,’ अशी माहिती पशुसंवर्धन विभागातील वरिष्ठ अधिकाऱ्यांनी दिली.
हेही वाचा – सीबीएसईकडून शाळांची अचानक तपासणी; नियमभंग आढळल्यास कठोर कारवाई
हेही वाचा – पिंपरी- चिंचवड: दारू आणि मौज मजेसाठी दुचाकी चोरणाऱ्या जय-विरुला बेड्या; २१ दुचाकी जप्त
ब्रिटिशांकडून पशुसंवर्धन विभागाकडे ताथवडे-थेरगाव येथील १२३.४१ हेक्टर जागेचे हस्तांतरण झाले होते. या १२३.४१ हेक्टरपैकी ५१.४३ हेक्टर जागा यापूर्वीच यशदा आणि पिंपरी-चिंचवड महापालिकेला देण्यात आली आहे. उर्वरित ७१.९८ हेक्टरपैकी २४ हेक्टरवर शेती, उच्च दाब विद्युत वाहिनी, रहिवास, निळ्या आणि लाल पूररेषेचे आरक्षण आहे. एकूण ७१.४३ हेक्टरपैकी २४ हेक्टर जागेवर विविध बाबींसाठीचे आरक्षण असूनही ६६.३० हेक्टर जागेची एमआयडीसीने, तर ५.१८ हेक्टर जागेची पिंपरी-चिंचवड महानगरपालिकेने मागणी केली आहे. संबंधित जागेवर आरक्षण असूनही जागेची मागणी कशी केली, सभोवती दाट लोकवस्ती असूनही एमआयडीसीला ही जागा का पाहिजे, असे सवाल त्यामुळे उपस्थित केले गेले होते, असे अधिकाऱ्यांनी सांगितले. याबाबत दिवेगावकर यांच्याशी संपर्क केला असता, त्यांनी काही बोलण्यास नकार दिला.
दिवेगावकर यांच्या बदलीबाबतचा आदेश गुरुवारी (५ सप्टेंबर) अपर मुख्य सचिव (सेवा) व्ही. राधा यांनी काढला आहे. त्यांच्या जागेवर महाराष्ट्र राज्य वखार महामंडळाचे अध्यक्ष व व्यवस्थापकीय संचालक डॉ. प्रवीणकुमार देवरे यांची नियुक्ती करण्यात आली आहे. ‘पशुसंवर्धन विभागाच्या ताब्यात असलेल्या ताथवडे – थेरगाव येथील ७१.९८ हेक्टर जमिनीपैकी ६६.३० हेक्टर जमिनीची एमआयडीसीने मागणी केली होती. पण या जमिनीवर राष्ट्रीय गोकुळ मिशन अंतर्गत विविध प्रकल्प सुरू असल्यामुळे या जमिनीची पशुसंवर्धन विभाग आणि महाराष्ट्र पशुधन विकास महामंडळाला गरज असल्याचा अहवाल पशुसंवर्धन विभागाकडून राज्य सरकारला देण्यात आला होता,’ अशी माहिती पशुसंवर्धन विभागातील वरिष्ठ अधिकाऱ्यांनी दिली.
हेही वाचा – सीबीएसईकडून शाळांची अचानक तपासणी; नियमभंग आढळल्यास कठोर कारवाई
हेही वाचा – पिंपरी- चिंचवड: दारू आणि मौज मजेसाठी दुचाकी चोरणाऱ्या जय-विरुला बेड्या; २१ दुचाकी जप्त
ब्रिटिशांकडून पशुसंवर्धन विभागाकडे ताथवडे-थेरगाव येथील १२३.४१ हेक्टर जागेचे हस्तांतरण झाले होते. या १२३.४१ हेक्टरपैकी ५१.४३ हेक्टर जागा यापूर्वीच यशदा आणि पिंपरी-चिंचवड महापालिकेला देण्यात आली आहे. उर्वरित ७१.९८ हेक्टरपैकी २४ हेक्टरवर शेती, उच्च दाब विद्युत वाहिनी, रहिवास, निळ्या आणि लाल पूररेषेचे आरक्षण आहे. एकूण ७१.४३ हेक्टरपैकी २४ हेक्टर जागेवर विविध बाबींसाठीचे आरक्षण असूनही ६६.३० हेक्टर जागेची एमआयडीसीने, तर ५.१८ हेक्टर जागेची पिंपरी-चिंचवड महानगरपालिकेने मागणी केली आहे. संबंधित जागेवर आरक्षण असूनही जागेची मागणी कशी केली, सभोवती दाट लोकवस्ती असूनही एमआयडीसीला ही जागा का पाहिजे, असे सवाल त्यामुळे उपस्थित केले गेले होते, असे अधिकाऱ्यांनी सांगितले. याबाबत दिवेगावकर यांच्याशी संपर्क केला असता, त्यांनी काही बोलण्यास नकार दिला.
