पिंपरी : जाहिरात फलक दिसत नसल्याने झाडांवर कुऱ्हाड, सात संस्थांचे परवाने रद्द, गुन्हे दाखल

शहरातील पर्यावरणाचा समतोल राखण्यासाठी पिंपरी-चिंचवड महापालिकेच्या वतीने विविध ठिकाणी मोठ्या प्रमाणावर वृक्षारोपण केले जाते. मात्र, शहरात सातत्याने बेकायदापणे वृक्षतोड होत आहे. जाहिरात फलक दिसत नसल्याने झाडांवर कुऱ्हाड चालविली जाते. फलक दिसण्यासाठी अनधिकृत वृक्षतोड केल्याप्रकरणी आतापर्यंत सात जाहिरात संस्थांवर गुन्हे दाखल करण्यात आले आहेत. त्यांचे परवानेही रद्द करण्यात आले आहेत. तसेच, अनधिकृत वृक्षतोड केल्याप्रकरणी नऊ कार्यक्षेत्रांतील पोलीस ठाण्यांत गुन्हा दाखल करण्याबाबत पत्रव्यवहार करण्यात आला आहे. काही प्रकरणांची तपासणी सुरू आहे.

आणखी वाचा

नेरुळ, घणसोलीतील बेकायदा बांधकामांवर कारवाई; महापालिकेच्या नोटिशीकडे दुर्लक्ष करून बांधकामे

अल्लू अर्जुनच्या अटक प्रकरणावर नाना पाटेकर म्हणाले, “कोणाला…

पुणे : तडीपारीची कारवाई कागदावरच; तडीपार गुन्हेगारांचा सर्रासपणे शहरात वावर

टिटवाळा येथे कर थकबाकीदारांच्या दोन कोटीच्या मालमत्तांना टाळे, पालिकेच्या अ प्रभागाची कारवाई

सावधान..! बनावट पोलीस व्हेरिफिकेशन सर्टिफिकेट बनवणाऱ्यांवर गुन्हा दाखल; दहशतवाद विरोधी शाखेची कारवाई

कल्याण : काळा तलाव साफसफाईत दिरंगाई करणाऱ्या ठेकेदाराला नोटीस, आयुक्त डॉ. इंदुराणी जाखड यांची कारवाई

पिंपरी-चिंचवड: “अनधिकृत गोदामांवर नंतर बोलू आधी आग विझवू”, अतिरिक्त आयुक्तांची अनधिकृत गोदामांना बगल!

कल्याणीनगर भागातील हॉटेलमधून चार लाखांची रोकड चोरीला

याबाबत अतिरिक्त आयुक्त प्रदीप जांभळे म्हणाले, की जाहिरातफलकधारकांनी आपल्या फलकांसमोरील वृक्षांची छाटणी किंवा तोडणी अनधिकृतरीत्या करू नये. महापालिकेच्या परवानगीशिवाय वृक्षतोड केल्यास महाराष्ट्र शासन जाहिरात नियमन व नियंत्रण नियमानुसार जाहिरातफलकधारकाचा परवाना रद्द केला जाणार आहे. जाहिरातदाराविरोधात कायदेशीर कारवाई करण्यात येणार आहे. चिखली परिसरामध्ये अनधिकृतरीत्या वृक्षतोडणी करणाऱ्यांवर गुन्हा दाखल करण्यात आला आहे.