पुणे जिल्ह्यात २८ जणांना नव्याने करोना संसर्ग

सोमवारी दिवसभरात आढळलेल्या २८ नवीन रुग्णांपैकी १३ रुग्ण पुणे महापालिका क्षेत्रातील आहेत. आठ रुग्ण पिंपरी-चिंचवड महापालिका क्षेत्रात, तर सात रुग्ण जिल्ह्याच्या उर्वरित भागात आढळले आहेत. संसर्गाचा प्रसार रोखण्यासाठी विशेषत: जोखीम गटातील रुग्ण, सहव्याधीग्रस्त आणि ज्येष्ठ नागरिकांनी तसेच लसीकरण न झालेल्या नागरिकांनी मुखपट्टी वापरासह सर्व आवश्यक खबरदारी घेण्याचे आवाहन करण्यात येत आहे. सोमवारी आढळलेल्या २८ नव्या रुग्णांमुळे पुणे जिल्ह्यातील एकूण करोना रुग्णसंख्या १५ लाख दोन हजार १०४ एवढी झाली आहे. सध्या जिल्ह्यातील ८२६ रुग्णांवर करोनाचे उपचार सुरू आहेत.