खून प्रकरणात चार वर्ष पोलिसांना गुंगारा- गुन्हे शाखेकडून दोघे गजाआड

पुणे : हडपसर भागात चार वर्षांपूर्वी एकाचा खून करुन पसार झालेल्या दोघांना गुन्हे शाखेने पकडले. आरोपी गेले चार वर्ष पोलिसांना गुंगारा देत होते.शुभम कांबळे, आनंद माने अशी अटक करण्यात आलेल्यांची नावे आहेत. हडपसर भागात बसवराज कांबळे (रा. गंगानगर, फुरसुंगी) यांचा चार वर्षांपूर्वी आरोपी हेमंत नाईकनवरे आणि साथीदारांनी खून केला होता. खून प्रकरणात पोलिसांनी नाईकनवरे आणि साथीदारांना अटक केली होती. मात्र, खून प्रकरणातील सहआरोपी कांबळे आणि माने पसार झाले होते. गेले चार वर्ष ते ओळख लपवून वेगवेगळ्या भागात वास्तव्य करत होते. गुन्हे शाखेच्या युनिट पाचकडून त्यांचा शोध घेण्यात येत होता. दोघे जण गंगानगर स्मशानभूमी परिसरात थांबल्याची माहिती पोलीस कर्मचारी विनोद शिवले, अकबर शेख, अमित कांबळे यांना मिळाली.