मुळशीत जीपच्या धडकेने दुचाकीवरील दोघांचा मृत्यू; जीप चालकाविरोधात गुन्हा दाखल

भरधाव जीपच्या धडकेने दुचाकीस्वारासह सहप्रवाशाचा मृत्यू झाल्याची घटना घडली आहे. मुळशीतील कोलाड रस्त्यावर हा अपघात झाला. सौरभ दत्तात्रय भोसले, कुणाल दिलीप भोसले (दोघे रा. वळणे, ता. मुळशी, जि. पुणे) अशी मृत्युमुखी पडलेल्यांची नावे आहेत. या प्रकरणी जीपचालक स्वप्नील रमेश पळसकर (वय २९, रा. पळसे, ता. मुळशी, जि. पुणे) याच्या विरोधात गुन्हा दाखल करण्यात आला आहे.