विक्रमी प्रवासी संख्येसह मेट्रो सुसाट! पालख्यांच्या आगमनामुळे ३० जूनला दुपटीने वाढून दोन लाखांवर पोहोचली

हेही वाचा >>> एक रुपयात पीकविम्याचा अर्ज भरण्यासाठी १०० ते २५० रुपयांची मागणी; ई-सेवा केंद्रचालकांकडून शेतकऱ्यांची लूट?

आणखी वाचा

London–Calcutta bus service: लंडन ते कलकत्ता, सर्वाधिक लांबीचा बससेवा मार्ग; कुणी चालवली ही बससेवा? कुणासाठी?

लोकप्रिय मराठी अभिनेत्री दुसऱ्यांदा अडकली लग्नबंधनात; साधेपणाने पार…

पंतप्रधानांच्या दौऱ्यानिमित्त शहरात वाहतूक बदल; स. प. महाविद्यालय परिसरातील रस्ते वाहतुकीस बंद

माथेरानच्या राणीचा ‘विस्टाडोम’विनाच प्रवास

नाशिक परिक्षेत्रात २५ दिवसांत ५० कोटींचा मुद्देमाल जप्त, १७ हजार गुन्हेगारांविरुध्द कारवाई

लोकजागर : सामान्य पुणेकरांना ‘व्हीआयपी’ रस्ते मिळतील का?

रेल्वे स्थानकावर आता बिनधास्त खा! पुणे, कोल्हापूर, साताऱ्यासह १० स्थानके ‘ईट राइट स्टेशन’

खारघर तूर्भे लिंकरोडचे काम निवडणूकीनंतर सूरु होणार

सध्या मेट्रोची सेवा वनाझ ते रामवाडी आणि जिल्हा न्यायालय ते पिंपरी-चिंचवड महापालिका या दोन मार्गांवर सुरू आहे. पालख्यांच्या आगमनामुळे दोन्ही शहरांतील अनेक मुख्य रस्ते वाहतुकीसाठी बंद करण्यात आले. यामुळे प्रवास करण्यासाठी खासगी वाहनांचा पर्याय बंद झाल्याने नागरिकांनी मेट्रोला पसंती दिली. जून महिन्यात मेट्रोने दैनंदिन प्रवास करणाऱ्यांची संख्या सरासरी १ लाख होती. मात्र, ३० जूनला ती दुपटीने वाढून १ लाख ९९ हजार ४३७ वर पोहोचली. त्यात पिंपरी-चिंचवड महापालिका ते जिल्हा न्यायालय मार्गावरील ८३ हजार ४२६ आणि वनाझ ते रामवाडी मार्गावरील १ लाख १६ हजार ११ प्रवाशांचा समावेश आहे. याच वेळी मेट्रोचे दैनंदिन उत्पन्न रविवारी १५ लाख रुपयांवरून वाढून २४ लाख रुपयांवर पोहोचले.

हेही वाचा >>> राज्यात घरगुती, औद्योगिक पाणीपट्टीत दहा टक्के वाढ ; अंमलबजावणी सुरू; शेतीसाठीच्या पाणीपट्टीला स्थगिती

महामेट्रोने पालखीच्या आगमनानिमित्त प्रवासी संख्या वाढण्याची शक्यता असल्याने आधीपासूनच नियोजन केले होते. मेट्रोची सेवा पहाटे ६ ते रात्री १० या वेळेत सुरू असते. पालखी आगमनामुळे ही सेवा एक तासाने वाढवून रात्री ११ पर्यंत सुरू ठेवण्यात आली. प्रवाशांनी मेट्रो सेवेला मोठा प्रतिसाद दिला. पिंपरी-चिंचवड महापालिका स्थानकात सर्वाधिक १९ हजार ९१९ प्रवासी संख्येची नोंद झाली. त्या खालोखाल पुणे महापालिका स्थानक १८ हजार ७९, शिवाजीनगर स्थानक १७ हजार ४६, पुणे रेल्वे स्थानक १५ हजार ३७८ आणि रामवाडी स्थानकातून १४ हजार ७७० प्रवाशांनी प्रवास केला. जिल्हा न्यायालय स्थानकात ५१ हजार प्रवाशांनी त्यांची मार्गिका बदलली.

मेट्रोचा प्रवासी संख्येचा विक्रम

– ६ ऑगस्ट २०२३ – १ लाख ३१ हजार २७

– १५ ऑगस्ट २०२३ – १ लाख ६८ हजार १२

– ३० जून २०२४ – १ लाख ९९ हजार ४३७

सर्वाधिक गर्दीची स्थानके

– पिंपरी-चिंचवड महापालिका – १९ हजार ९१९

– पुणे महापालिका – १८ हजार ७९

– शिवाजीनगर – १७ हजार ४६

– पुणे रेल्वे स्थानक – १५ हजार ३७८ – रामवाडी – १४ हजार ७७०