लोणावळा रेल्वे स्थानक परिसरातून दोन अल्पवयीन मुलींचे अपहरण करुन अत्याचार

लोणावळा रेल्वे स्थानक परिसरात थांबलेल्या अल्पवयीन मुलीचे दुचाकीवरुन आलेल्या दोघांनी अपहरण केले. हनुमान टेकडी परिसरातील एका घरात मुलीला डांबून ठेवण्यात आले. मुलीला साखळीने बांधून ठेवण्यात आले, तसेच तिला मारहाण करण्यात आली. आरोपींनी तिच्यावर अत्याचार केल्याची फिर्याद पीडित मुलीच्या आईने लोणावळा शहर पोलीस ठाण्यात दिली आहे. तिने दिलेल्या फिर्यादीनुसार, बेताब आनंद पवार, मंदा बेताब पवार, संजना बबलू पवार, बबलू पवार, अर्चना बेताब पवार, किरण बेताब पवार, मोनिका बेताब पवार, राज सिद्धेश्वर शिंदे, करीना राज शिंदे (सर्व रा. क्रांतीनगर, हनुमान टेकडी, लोणावळा) यांच्याविरुद्ध गुन्हा दाखल करण्यात आला आहे.

आणखी वाचा

मुंबई : दोन रेल्वेगाड्यांची टक्कर अन्…

IND vs PAK: भारत-पाकिस्तान सामन्यात राडा, पाकिस्तानी गोलंदाजाने…

वसई : मोबाइलच्या प्रकाशात अंत्यसंस्कार, नायगाव कोळीवाड्यातील स्मशानभूमीची दुरवस्था

बुलढाणा: धावत्या वाहनांवर बिबट्याचा हल्ला;अर्ध्या तासात दोघे…

मुंबईच्या पाणी तुटवड्याला आदित्य ठाकरे जबाबदार; आमदार आशिष शेलार यांचा आरोप

‘मेट्रो ३’ स्थानकाबाहेरील काही वृक्ष उन्मळून पडल्याने पर्यावरणप्रेमींचा आरोप

नागपूर:राणा प्रतापनगरचे पदपथ विक्रेत्यांच्या ताब्यात

सातारा : महामार्गावर व्यापाऱ्याची तीन कोटींची रोकड लांबवली

हेही वाचा >>>“शरद पवार कधी कुणाशी युती करतील सांगता येत नाही”, शिंदे गटाच्या नेत्याचं सूचक विधान

लोणावळा शहर परिसरात घडलेल्या आणखी एका घटनेत उत्तरप्रदेशातील अल्पवयीन मुलीचे अपहरण करुन तिच्यावर अत्याचार करण्यात आल्याची घटना घडली आहे. पीडित मुलगी लोणावळा रेल्वे स्थानक परिसरात थांबली हाेती. त्यावेळी तिला पळवून नेण्यात आले. तिला मारहाण करुन अत्याचार करण्यात आले. तिचा मोबाइल संच आरोपींनी ताब्यात घेतला. तिने दिलेल्या फिर्यादीनुसार करीना राज शिंदे, मंदाकिनी बेताब पवार, संजना बबलू ठाकूर, बबलू पवार, राज सिद्धेश्वर पवार, बेताब आनंद पवार, ज्ञानेश्वर रामभाऊ लोकरे यांच्याविरुद्ध गुन्हा दाखल करण्यात आला आहे. लोणावळा उपविभागाचे विभागीय अधिकारी सत्यसाई कार्तिक यांच्या मार्गदर्शनाखाली पोलीस निरीक्षक सीताराम डुबल तपास करत आहेत.