पुणे : सांगली रेल्वे स्थानकावर बंगळुरू-जोधपूर-बंगळुरू आणि उदयपूर-म्हैसूर-उदयपूर या गाड्यांना थांबा देण्यात आला आहे. हा थांबा सहा महिन्यांसाठी प्रायोगिक तत्त्वावर देण्यात आला आहे.
बंगळुरूमधून सुटणारी बंगळुरू-जोधपूर एक्स्प्रेस गाडी ९ एप्रिलपासून सांगली स्थानकावर दुपारी १ वाजून ७ मिनिटांनी पोहोचेल आणि १ वाजून १० मिनिटांनी पुढे रवाना होईल. जोधपूरहून सुटणारी जोधपूर-बंगळुरू एक्स्प्रेस १२ एप्रिलपासून सांगली स्थानकावर सकाळी ६ वाजून ५७ मिनिटांनी पोहोचेल आणि ७ वाजता पुढे रवाना होईल.
उदयपूरहून सुटणारी उदयपूर-म्हैसूर हमसफर एक्स्प्रेस १० एप्रिलपासून सांगली स्थानकावर रात्री १० वाजून ३३ मिनिटांनी पोहोचेल आणि १० वाजून ३५ मिनिटांनी पुढे रवाना होईल. म्हैसूरहून सुटणारी म्हैसूर-उदयपूर हमसफर एक्स्प्रेस १३ एप्रिलपासून सांगली स्थानकावर दुपारी २ वाजून ३८ मिनिटांनी पोहोचेल आणि २ वाजून ४० मिनिटांनी पुढे रवाना होईल, असे रेल्वेच्या वतीने कळवण्यात आले आहे.
