पुणे : महर्षीनगर परिसरात पूर्ववैमनस्यातून दोघांवर तीक्ष्ण शस्त्राने वार करण्यात आल्याची घटना घडली. या प्रकरणी चौघांविरुद्ध स्वारगेट पोलिसांनी गुन्हा दाखल केला. मंदार गायकवाड (वय ३५, रा. महर्षीनगर, गुलटेकडी) असे गंभीर जखमी झालेल्याचे नाव आहे.
हेही वाचा – पालकमंत्री चंद्रकांत पाटलांच्या खेळीने काँग्रेस-राष्ट्रवादीची पुण्यात कोंडी
या प्रकरणी दादा मोरे, सार्थक शिंदे (दाेघे रा. महर्षीनगर, गुलटेकडी), अनिकेत खाडे (रा. गुलटेकडी), सिद्धार्थ यांच्या विरुद्ध गुन्हा दाखल करण्यात आला आहे. मंदार आणि त्याचे मित्र रोहन काकडे, आशिष बडदे महर्षीनगर परिसरात थांबले होते. आरोपी सार्थक याचा मंदारशी वाद झाला होता. आरोपींनी मंदार याच्या हातावर कोयत्याने वार केला. भांडणात मध्यस्थी करणाऱ्या रोहन याच्यावर कोयत्याने वार करून आरोपी सार्थक आणि साथीदार पसार झाले. सहायक पोलीस निरीक्षक उमेश कारके अधिक तपास करत आहेत.
