पुणे : नगर रस्ता परिसरात वेगवेगळ्या अपघातात ज्येष्ठ महिलेसह दोघांचा मृत्यू, धोकादायक वाहतुकीचा प्रश्न ऐरणीवर

खराडी परिसरात भरधाव डंपरच्या धडकेत एका २३ वर्षीय तरुणाचा मृत्यू झाल्याची घटना घडली. याप्रकरणी विमानतळ पोलिसांनी डंपर चालकाविरुद्ध गुन्हा दाखल केला आहे. प्रथमेश प्रभाकर शिंदे (वय २३, रा. कमला नेहरू रुग्णालयासमोर, करबा पेठ) असे अपघातात मृत्यूमुखी पडलेल्या तरुणाचे नाव आहे. याप्रकरणी डंपरचालक हनुमंत एकनाथ लोहबंधे (वय ४५, रा. संतनगर लोहगाव, मूळ रा. पाडुर्णी, ता.मुखेड, जि. नांदेड) याच्याविरुद्ध गुन्हा दाखल करण्यात आला आहे. याबाबत पोलीस शिपाई रोहित बाजीराव कट्टे (वय २९) यांनी विमानतळ पोलीस ठाण्यात फिर्याद दाखल केली आहे. दुचाकीस्वार प्रथमेश शिंदे रविवारी (११ ऑगस्ट) दुपारी एकच्या सुमारास नगर रस्त्यावरील खराडी परिसरातून निघाले होते. जनक बाबा पीर दर्ग्यासमोर भरधाव डंपरने दुचाकीला धडक दिली. अपघातात दुचाकीस्वार प्रथमेश यांचा मृत्यू झाला.

आणखी वाचा

Video : तळोजातील अपघातामध्ये एक ठार, महिला अत्यवस्थ

Pompeii: २५०० वर्षांपूर्वी भारतीय लक्ष्मी इटलीमध्ये कशी पोहोचली?

भरधाव मोटार उलटून तरुणीचा मृत्यू; मुंबई-बंगळुरू बाह्यवळण मार्गावर अपघात; सात जण जखमी

VIDEO : विरुद्ध दिशेने वाहन चालवणं नवी मुंबईतील दोन तरुणींच्या जीवावर बेतलं; कारच्या धडकेत मृत्यू

शनिवारवाड्याज‌वळ ज्येष्ठ महिलेची फसवणूक, बतावणी करुन मंगळसूत्र चोरी

Death by chhole: ‘छोले’ बनविणं जीवावर बेतलं, गॅसवर पातेलं ठेवून दोन तरुण झोपी गेले; सकाळी झाला मृत्यू

हौसेला वयाचे बंधन नाही! कशालाही न घाबरता आजीबाईंनी लुटला झीपलाईनचा आनंद, पाहा Viral Video

Video: ‘आई आणि बाबा रिटायर होत आहेत’ मालिकेतील कलाकारांनी निवेदिता सराफांना वाढदिवसानिमित्ताने दिलं खास सरप्राइज, पाहा व्हिडीओ

हेही वाचा – पिंपरी : हप्त्यासाठी मासे विक्रेत्या महिलेवर कोयत्याने हल्ल्याचा प्रयत्न, दोन महिलांवर गुन्हा

हेही वाचा – पुणे : लोहगावमधील आरआयटी महाविद्यालयाच्या आवारात बिबट्याचा वावर; वनविभाग, अग्निशमन दलाकडून शोधमोहीम

नगर रस्त्यावरील वाघोली भागात डंपरच्या धडकेत दुचाकीवरील सहप्रवासी ज्येष्ठ महिलेचा मृत्यू झाला. याप्रकरणी लोणीकंद पोलिसांनी डंपरचालकाविरुद्ध गुन्हा दाखल केला. अलका गणेशराव जुनगडे (वय ६६ रा. वाघोली) असे अपघातात मृत्युमुखी पडलेल्या महिलेचे नाव आहे. याप्रकरणी अलका यांचा मुलगा पियूष (वय ३६, रा. वाघोली) यांनी लोणीकंद पोलीस ठाण्यात फिर्याद दिली आहे. याप्रकरणी डंपरचालक राहुल शिवाजी लोखंडे (रा. खांदेवेनगर, वाघोली) याच्याविरुद्ध गुन्हा दाखल करण्यात आला आहे. दुचाकीस्वार पियुष जुनगडे आईसोबत शनिवारी (१० ऑगस्ट) निघाले होते. वाघोली परिसरात भरधाव डंपरने दुचाकीला धडक दिली. अपघातात दुचाकीस्वार पियूष जखमी झाले. सहप्रवासी अलका यांचा चाकाखाली सापडून मृत्यू झाला. सहायक पोलीस निरीक्षक धामणे तपास करत आहेत.