लोकसत्ता प्रतिनिधी
पुणे : भरधाव मोटारीच्या धडकेत दुचाकीस्वारासह महिलेचा मृत्यू झाल्याची घटना लोहगाव परिसरातील संजय पार्क रस्त्यावर घडली. याप्रकरणी मोटारचालकाविरुद्ध गुन्हा दाखल करण्यात आला.
आशीर्वाद गोवेकर (वय ५२), रेश्मा आशिर्वाद गोवेकर (वय ४७) असे अपघातात मृत्युमुखी पडलेल्या दाम्पत्याचे नाव आहे. याप्रकरणी मोटार चालकाविरुद्ध गुन्हा दाखल करण्यात आला. याबाबत प्रसाद गोवेकर (वय ५४, रा. शिव पार्वती मंगल कार्यालयाजवळ, गोकुळनगर, कात्रज-कोंढवा रस्ता) यांनी विमानतळ पोलीस ठाण्यात फिर्याद दिली आहे.
आणखी वाचा-धनकवडीत दहशत माजवून वाहनांची तोडफोड; टोळक्याविरुद्ध गुन्हा दाखल
पोलिसांनी दिलेल्या माहितीनुसार, दुचाकीस्वार आशीर्वाद आणि त्यांची भावजय रेश्मा लोहगाव परिसरातील संजय पार्क परिसरातून गुरुवारी निघाले होते. त्यावेळी भरधाव मोटारीने दुचाकीस्वार गोवेकर दाम्पत्याला धडक दिली. अपघातात दुचाकीस्वार आशीर्वाद यांच्या डोक्याला गंभीर दुखापत झाल्याने त्यांचा जागीच मृत्यू झाला. अपघातात गंभीर जखमी झालेल्या सहप्रवासी रेश्मा यांचा खासगी रुग्णालयात उपचारादरम्यान मृत्यू झाला.
अपघाताची माहिती मिळताच सहायक आयुक्त प्रांजली सोनवणे, वरिष्ठ पोलीस निरीक्षक अजय संकेश्वरी यांनी घटनास्थळी भेट दिली. सहायक पोलीस निरीक्षक साहेबा पोटे तपास करत आहेत.
