पिंपरी चिंचवडमध्ये दोन वेगवेगळ्या घटनांमध्ये दोघांचा मृत्यू

पिंपरी चिंचवडमध्ये दोन विविध घटनेत दोघांचा मृत्यू झाला आहे. एका अल्पवयीन मुलीने आत्महत्या केली तर दुसऱ्या घटनेत स्लॅबला पाणी देत असताना पाय घसरून पडून एकाचा मृत्यू झाला आहे. ही घटना आज दुपारी तीन च्या सुमारास घडली आहे. पोलिसांनी दिलेल्या माहिती नुसार, दिनांक १५ एप्रिल रोजी एका १६ वर्षीय अल्पवयीन मुलीने विषारी औषध घेऊन आत्महत्या केली आहे. सुषमा श्याम कांबळे असे आत्महत्या केलेल्या मुलीचे नाव आहे. सुषमा ही रागीट स्वभावाची होती त्यातूनच ही घटना घडल्याची फिर्याद सुषमाच्या वडिलांनी पोलिसात दिली आहे. १५ एप्रिल रोजी ही घटना घडली होती, विषारी औषध घेतल्याने सुषमावर खाजगी रुग्णालयात उपचार सुरू होते. अखेर आठ दिवसांनंतर उपचारादरम्यान तिचा मृत्यू झाला.