उदय सामंत यांच्या मोटारीवर शिवसैनिकांकडून हल्ला; कात्रज चौकातील घटना

सामंत कात्रज चौकातून मोटारीतून जात असताना शिवसैनिकांनी घोषणाबाजी केली आणि सामंत यांची मोटार अडवून हल्ला करण्याचा प्रयत्न केला. त्या वेळी गर्दीत एकाने सामंत यांच्या मोटारीवर दगड फेकल्याने काच फुटली. सामंत यांच्या मोटारीवर हल्ला झाल्याचे समजताच पोलिसांनी घटनास्थळी धाव घेतली. शिवसैनिकांनी सामंत यांच्या मोटारीला घेरावो घालण्याचा प्रयत्न केला. पोलिसांनी तातडीने सामंत यांच्या मोटारीला वाट करुन दिली. या घटनेमुळे कात्रज चौकात तणावाचे वातावरण होते.