शहा यांच्या दौऱ्यानिमित्त शहरात कडक बंदोबस्त

शहा हे कोरेगाव पार्क भागातील एका तारांकित हाॅटेलमध्ये मुक्कामी असणार आहे. दिवसभरात तीन ठिकाणी होणाऱ्या कार्यक्रमात शहा हे प्रमुख पाहुणे म्हणून उपस्थित राहणार आहेत. भाजप कार्यकर्त्याची बैठक आयोजित करण्यात आली असून, या बैठकीत शहा हे मार्गदर्शन करणार आहेत, तसेच जनता सहकारी बँकेच्या हीरक महोत्सवी वर्षानिमित्त आयोजित कार्यक्रमात ते उपस्थित राहणार आहेत. पोलीस आयुक्त अमितेश कुमार, सहपोलीस आयुक्त रंजनकुमार शर्मा यांच्या मार्गदर्शनाखाली बंदोबस्तााची आखणी करण्यात आली आहे. शहा यांच्या दौऱ्यानिमित्त दोन हजार पोलीस, तसेच २०० अधिकारी बंदोबस्तास तैनात राहणार आहेत