चिं.वि. जोशींचे अप्रकाशित साहित्य प्रकाशनाच्या वाटेवर

‘चिमणराव- गुंडय़ाभाऊ’मुळे घराघरात पोहोचलेले आणि कोमल विनोदाचे जनक म्हणून मराठी रसिकांना प्रिय असणारे चिंतामण विनायक ऊर्फ चिं.वि. जोशी पुन्हा एकदा नव्याने साहित्यप्रेमींना भेटणार आहेत. चिंविंचे अप्रकाशित साहित्य प्रकाशनाच्या मार्गावर असून यांतील दोन पुस्तके लवकरच रसिकांच्या हाती पडतील. चिं.वि.यांची नात अलका जोशी- मांडके यांनी याविषयी माहिती दिली.
चिंविंनी लिहिलेल्या तीन सामाजिक एकांकिकांची ‘त्रिसुपर्ण’ ही नाटय़पुस्तिका, तसेच त्यांचे ‘वडाची साल पिंपळाला’ हे पुस्तक लवकरच प्रकाशित होणार आहे. काँटिनेंटल प्रकाशनातर्फे ही पुस्तके प्रकाशित करण्यात येणार असल्याचे अलका जोशी- मांडके यांनी सांगितले. याशिवाय चिंविंचे काही अप्रकाशित हस्तलिखित कागदही जोशी कुटुंबाच्या संग्रही असून आगामी काळात या हस्तलिखितांचेही प्रकाशन करण्याचा त्यांचा विचार आहे.
अलका जोशी- मांडके म्हणाल्या, ‘‘या दोन पुस्तकांव्यतिरिक्त चिंविंच्या इतर दोन कादंबऱ्या प्रकाशित करण्याचा आमचा मानस आहे. चिं.वि. यांचे वडील विनायक रामचंद्र जोशी यांनी लिहिलेली ‘प्रवरा’ ही कादंबरी अपूर्ण राहिली होती. ही कादंबरी चिंविंनी लिहून पूर्ण केली होती. तसेच चिंविंची ‘बालयोगी’ ही कादंबरीही अपूर्ण राहिल्यामुळे ती म. वि. जोशी यांनी लिहून पूर्ण केली होती. या दोनही कादंबऱ्या सुमारे ५०- ६० वर्षांपूर्वी प्रकाशित झाल्या होत्या. त्यांच्या नवीन आवृत्या प्रकाशित करण्याची आमची इच्छा आहे; परंतु त्यांच्या मूळ प्रती जोशी कुटुंबाकडेही नाहीत. या कादंबऱ्या पॅरॅमाऊंट प्रकाशनाने प्रकाशित केल्या असल्याची माहिती असून या प्रकाशन संस्थेकडेही त्यांच्या प्रती मिळू शकल्या नाहीत. या प्रती सध्या केवळ मुंबई मराठी ग्रंथसंग्रहालयाकडे उपलब्ध असून त्यांनी त्या प्रकाशनासाठी उपलब्ध करून दिल्यावर त्यांच्या नव्या आवृत्या काढता येतील.’’

आणखी वाचा

Pushpa 2 : “श्रीवल्ली मेरी बायको…”, जबरदस्त डायलॉग अन् अल्लू अर्जुनचा हटके अंदाज; ‘पुष्पा २’चा बहुप्रतीक्षित ट्रेलर प्रेक्षकांच्या भेटीला

Nana Patole : निकालाआधी राजकीय घडामोडींना वेग; यातच…

नागा चैतन्य आणि सोभिता धुलिपालाची दाक्षिणात्य ढंगातील लग्नपत्रिका झाली व्हायरल, ‘या’ तारखेला होणार विवाहसोहळा

नव्या मालिकांची मांदियाळी! ‘स्टार प्रवाह’वर पुनरागमन करतेय ‘ही’ लोकप्रिय अभिनेत्री, जाहीर केली मालिकेची वेळ अन् तारीख…

बुकमार्क : जातीय जनगणना की जातिव्यवस्थेचे निर्मूलन?

या वीकेंडला ओटीटीवर पाहा थिएटरमध्ये गाजलेला ‘हा’ सिनेमा; सोबतीला आहे ऐतिहासिक वेब सीरिजसह थ्रिलरची मेजवानी

Video : ‘कलर्स मराठी’च्या ‘या’ लोकप्रिय मालिकेत मुक्ता बर्वेची एन्ट्री! जबरदस्त लूक अन् प्रोमोने वेधलं लक्ष