पिंपरी-चिंचवडमध्ये अवकाळी पाऊस

गेल्या दोन दिवसांपासून शहरात ढगाळ वातावरण तयार होत होते. मात्र, पाऊस हुलकावणी देत होता. गुरुवारीही सकाळपासून शहरात ढगाळ वातावरण निर्माण झाले होते. वातावरणात प्रचंड उकाडा जाणवत होता. दिवसभर या उकाड्याने नागरिक हैराण झाले होते. दुपारी साडेतीननंतर अचानक ढग दाटून आले. साडेचार वाजता विजांचा कडकडाट आणि ढगांच्या गडगडाटासह पावसास सुरुवात झाली. काही वेळ पावसाची रिमझिम सुरू होती. मात्र, त्यानंतर मुसळधार पावसास सुरुवात झाली. सव्वातास पाऊस झाला. अचानक आलेल्या पावसाने कामावरून सुटलेल्या कामगारांची, महिला वर्गाची तसेच, वाहनचालकांची त्रेधातिरपीट उडवली.