पिंपरी : चिंचवड शहरात विजांच्या कडकडाटात संध्याकाळपासून मेघगर्जनेसह पावसाला सुरुवात झाली आहे. हवामान खात्याने अवकाळी पावसाची शक्यता वर्तवली होती. आज सकाळ पासून पिंपरी-चिंचवड शहर आणि परिसरात ढगाळ वातावरण होते. साडेचारच्या सुमारास ढग दाटून आले आणि काही वेळातच विजांच्या कडकडाटासह जोरदार पावसाला सुरुवात झाली. या अवकाळी पावसाचा फटका मावळ भागातील शेतकऱ्यांना बसण्याची शक्यता आहे, शेतमालाचे आणि पिकाचे मोठे नुकसान झालं असल्याची भिती व्यक्त होत आहे.
हेही वाचा… पुण्यात मेघगर्जनेसह मुसळधार पावसाला सुरुवात
काल बुधवारी पिंपरी-चिंचवड शहर आणि परिसरातील काही भागात गारपीट झाली होती. कालपासून मावळ परिसरामध्ये गहू, हरभरा, बटाटा या पिकांना अवकाळी पावसाचा जोरदार फटका बसला आहे. तर दुसरीकडे वातावरणातील या बदलामुळे आजार वाढण्याची शक्यता देखील पिंपरी-चिंचवड महानगर पालिकेच्या डॉक्टरांनी वर्तवली आहे.
