पुणे : नागरी सहकारी बँकांसाठी आता शिखर संस्था; मुख्य कार्यकारी अधिकारीपदी खिरवडकर

नागरी सहकारी बँकांना सक्षम करण्यासाठी राष्ट्रीय नागरी सहकारी वित्त व विकास महामंडळाची निर्मिती झाली आहे. दिल्लीस्थित या संस्थेचे पहिले मुख्य कार्यकारी अधिकारी म्हणून अतुल खिरवडकर यांची नियुक्ती करण्यात आली आहे. खिरवडकर हे कल्याण जनता सहकारी बँकेचे व्यवस्थापकीय संचालक आणि मुख्य कार्यकारी अधिकारी होते. नुकताच त्यांनी बँकेचा राजीनामा देऊन महामंडळाची जबाबदारी स्वीकारली आहे.

आणखी वाचा

“मी लष्कर-ए-तोयबाचा सीईओ बोलतोय, तुमच्या मागचा रस्त्यावर…”; रिझर्व्ह बँक ऑफ इंडियाला धमकीचा फोन!

महायुतीला सत्ता मिळाली, लाडक्या बहिणींना २१०० रुपये कधीपासून…

पीएमसी बँक घोटाळा; पीडित खातेधारकांच्या याचिकांवर १२ डिसेंबरला सुनावणी

नोकरीची संधी: बँकेत ‘सिनियर एक्झिक्युटिव्ह’ पदांसाठी संधी

पंतप्रधानांच्या आगमनाच्या अखेरच्या क्षणापर्यंत सरकारची स्वच्छ खारघर मोहीम सुरूच

एलॉन मस्क यांच्या ‘स्टारलिंक’ला भारतीय अवकाश खुले; मात्र परवाना नियम-शर्तींच्या पूर्ततेनंतरच केंद्रीय मंत्र्यांचे प्रतिपादन

सरकारी बँकांच्या नफ्यात सहामाहीत २६ टक्के वाढ

हेही वाचा >>> पिंपरी-चिंचवड महापालिकेची विद्यार्थ्यांना नवीन शैक्षणिक वर्षात गिफ्ट; शालेय साहित्यासाठी मिळणार ‘एवढी’ रक्कम

महामंडळाकडून नागरी सहकारी बँकांना विविध सेवा पुरवल्या जाणार आहेत. यात कर्ज सुविधा, तरलता पुरविणे, निधी व्यवस्थापन, गुंतवणूक, देयक आणि तडजोड, माहिती तंत्रज्ञान, एटीएम नेटवर्क, व्यवस्थापन सल्ला, भांडवल उभारणी, डेबिट कार्ड व क्रेडिट कार्ड, कर्ज रोख्यांची खरेदी-विक्री आदी सेवांचा समावेश आहे. याचबरोबर नागरी बँकांचे विलीनीकरण अथवा एकत्रीकरण प्रक्रियेमध्ये सहकार्य करणे, वसुली अधिकाऱ्याची भूमिका बजावण्याचे कामही महामंडळ करेल, अशी माहिती सूत्रांनी दिली.

हेही वाचा >>> पुणे : जिल्हाधिकाऱ्यांच्या मदतीमुळे परदेशी नागरिकाला असा मिळाला दिलासा!

सहकारी तत्त्वाऐवजी बँकेतर वित्तीय संस्था

देशात सहकारी आर्थिक रचनेतील त्रिस्तरीय संरचनेत प्रत्येक राज्यातील राज्य बँक म्हणजेच शिखर बँक व जिल्हा बँकांकडून नागरी सहकारी बँकांना मदत केली जाते. या पार्श्वभूमीवर नागरी सहकारी बँकांसाठी शिखर संस्था स्थापन करण्याची चर्चा सुरू होती. सुरुवातीला सहकारी तत्त्वावर ही संस्था स्थापन व्हावी, असा आग्रह धरण्यात आला होता. रिझर्व्ह बँकेने तांत्रिक कारण पुढे केल्याने बँकेतर वित्तीय संस्था (एनबीएफसी) म्हणून ती अस्तित्वात येत आहे.

शिखर संस्थेला नागरी सहकारी बँकांचा चांगला प्रतिसाद मिळत आहे. आतापर्यंत १७५ ते २०० नागरी सहकारी बँकांनी भागभांडवल दिले आहे. शिखर संस्थेमुळे बँकांना एकाच ठिकाणी सर्व सेवा मिळतील. – अतुल खिरवडकर, मुख्य कार्यकारी अधिकारी, राष्ट्रीय नागरी सहकारी वित्त व विकास महामंडळ

नागरी सहकारी बँकांना सेवा पुरवठादार म्हणून ही शिखर संस्था काम करणार आहे. तिच्याकडून कर्ज व तरलता पुरवठा झाल्यास नागरी सहकारी बँकांना फायदा होईल. यामुळे अडचणीतील बँकांनाही पाठबळ मिळेल. – विद्याधर अनास्कर, बँकिंगतज्ज्ञ