पुणे : पलटी झालेले चारचाकी वाहन वसंत मोरेंनी केले बाजूला, काही मिनिटांत नागरिकांची वाहतूक कोंडीतून सुटका

काल रात्रीच्या सुमारास वसंत मोरे हे कात्रज चौकातून जात होते. त्यावेळी त्यांना प्रचंड वाहतूक कोंडी झाल्याचे दिसून आले. त्यादरम्यान वसंत मोरे यांना एका कार्यकर्त्याचा फोन आला की, चौकात एका चारचाकी वाहनचालकाचे गाडीवरील नियंत्रण सुटले, त्यामुळे ते वाहन खांबाला जाऊन जोरात धडकले आणि त्यामुळे ते चारचाकी वाहन पलटी झाले. त्यावर वसंत मोरे हे तात्काळ घटनास्थळी पोहोचले आणि पाहणी केली.

हेही वाचा – युक्रेनमधील धरणफुटीमुळे जगात अन्नटंचाईची शक्यता; पाच लाख हेक्टरवरील शेती बाधित

चारचाकी वाहन बाजूला केल्याशिवाय वाहतूक पूर्ववत होणार नाही, हे वसंत मोरे यांच्या लक्षात आले. त्यावर मोरे यांनी भाया वर करून पलटी झालेले वाहन बाजूला करण्याचा प्रयत्न केला. मोरे यांना पाहून आणखी काही नागरिक त्यांच्या मदतीला आले, त्यामुळे पुढील काही मिनिटांत चारचाकी वाहन फुटपाथवर बाजूला करण्यात वसंत मोरे यांना यश आले. त्यामुळे चौकातील वाहतूक पूर्ववत होण्यास अधिक मदत झाली. त्यामुळे नागरिकांची वाहतूक कोंडीमधून सुटका झाली. वसंत मोरे यांच्या या कृतीचे सर्व स्तरातून विशेष कौतुक होत आहे.