पिंपरी-चिंचवड शहरांमधील निगडी परिसरात चार वाहने जळून खाक झाली आहेत. ही घटना मध्यरात्री निगडीच्या सेक्टर क्रमांक २२ मध्ये घडली असून सुदैवाने यात कोणतीही जीवितहानी झालेली नाही. हेही वाचा - शिक्षण पूरक खेळणी, पुस्तके ते आभासी वास्तव; वैविध्यपूर्ण शैक्षणिक साधनांचे विद्यापीठात अनोखे प्रदर्शन आग नेमकी कशामुळे लागली की वाहने पेटवण्यात आली याबाबतचा तपास निगडी पोलीस करत आहेत. आगीत तीन रिक्षा आणि एक वाहन जळून खाक झाले आहे. आग लागताच अग्निशमन दलाच्या जवानांनी येऊन आगीवर नियंत्रण मिळवलं, पण तोपर्यंत वाहने जळून खाक झाली होती. वाहन मालकांचे यात मोठे आर्थिक नुकसान झाले आहे. अधिक तपास निगडी पोलीस करत आहेत.
