वडाचीवाडी परिसरात गावठी दारू तयार करणारे गजाआड; चार हजार लिटर गावठी दारु, १२ हजार लिटर रयासन जप्त

जगदीश भैरूलाल प्रजापती (वय २४, रा. काळेपडळ), गुलाब संपकाळ रचपूत (वय ३३, रा. होळकरवाडी) अशी अटक करण्यात आलेल्यांची नावे आहेत. त्यांच्याविरुद्ध कोंढवा पोलीस ठाण्यात गुन्हा दाखल करण्यात आला आहे. काळेपडळ पोलीस ठाण्याचे पथक वडाची वाडी परिसरात गस्त घालत होते. वडाचीवाडी येथील ओढ्याजवळ दोघे जण गावठी हातभट्टी दारू तयार करत असल्याची माहिती तपास पथकाला मिळाली. पोलिसांच्या पथकाने तेथे छापा टाकला. आरोपी प्रजापती, रजपुत यांना ताब्यात घेतले. पोलिसांनी गावठी दारू भरलेले १२४ कॅन आणि १२ हजार लिटर कच्चे रसायन, दोन मोबाइल संच असा ९ लाख २७ हजारांचा मुद्देमाल जप्त केला.

हेही वाचा >>>रामटेकडीत भंगार मालाच्या गोदामाला आग; रहिवासी भागात आग लागल्याने घबराट

सहायक पोलीस आयुक्त धन्यकुमार गोडसे, काळेपडळ पोलीस ठाण्याचे वरिष्ठ निरीक्षक मानसिंग पाटील यांच्या मार्गदर्शनाखाली सहायक निरीक्षक अमित शेटे, उपनिरीक्षक अनिल निंबाळकर आणि पथकाने ही कारवाई केली.