पुणे : Entire Pune Water Supply to be Shut Down महापालिकेच्या पर्वती जलशुद्धीकरण केंद्रांसह अन्य जलकेंद्रातील टाक्यांच्या देखभाल दुरुस्तीसाठी येत्या गुरुवारी (२२ ऑगस्ट) रोजी संपूर्ण शहराचा पाणीपुरवठा बंद ठेवला जाणार आहे. या कामामुळे शुक्रवारी (२३ ऑगस्ट) सकाळी उशीरा आणि कमी दाबाने पाणीपुरवठा होईल, असे पाणीपुरवठा विभागाने कळविले आहे.
हेही वाचा >>> बारामतीमधून निवडणूक लढविण्यात ‘रस’ नसलेल्या अजित पवारांना शिरूमधून निमंत्रण !
पर्वती येथील नवीन आणि जुने जलशुद्धीकरण केंद्र तसेच त्याअंतर्गत एमएलआर, पर्वती एचएलआर, पर्वती एलएलआर टाक्या, खडकवासला जॅकवेल, पर्वती टँकर पॉइंट, लष्कर जलकेंद्र, वडगाव जलकेंद्र, नवे व जुने होळकर जलकेंद्र, वारजे जलकेंद्र, चांदणी चौक टाकी परिसर, गांधी भवन टाकी परिसर, पॅनकार्ड क्लब जीएसआर टाकी, वारजे जलकेंद्र जीएसआर टाकी, एसएनडीटी एमएलआर व एचएलआर परिसर, चतुशृंगी टाकी व त्यावर अवलंबून असलेल्या परिसरातील पाणीपुरवठा गुरुवारी संपूर्ण दिवस बंद राहणार आहे. शहराला पाणीपुरवठा करणाऱ्या टाक्यांची कामे तातडीने करणे गरजेचे असल्याने गुरुवारी संपूर्ण शहराचा पाणीपुरवठा बंद राहणार आहे. या कामामुळे दुसऱ्या दिवशी (शुक्रवारी) २३ ऑगस्टला शहरातील विविध भागात सकाळी उशिरा व कमी दाबाने पाणीपुरवठा होईल, अशी माहिती पाणीपुरवठा विभागप्रमुख नंदकिशोर जगताप यांनी दिली.
