“संजय राठोडवर गुन्हा दाखल होत नाही तोपर्यंत पोलीस स्टेशन सोडणार नाही”

यावेळी शांताबाई राठोड म्हणाल्या, पूजा चव्हाणच्या आत्महत्येला १९ दिवसांचा कालावधी होऊन गेला आहे. तरी देखील मंत्री संजय राठोड यांच्या विरोधात गुन्हा दाखल केला जात नाही. पोलीस यंत्रणा दबावाखाली काम करीत आहे. त्यामुळे आज आम्ही वानवडी पोलीस स्टेशनमध्ये माझा जवाब नोंदविला आहे. आता जोपर्यंत संबधित व्यक्ती विरोधात गुन्हा दाखल होत नाही. तोपर्यंत पोलीस स्टेशन सोडणार नाही. तसेच, संजय राठोड यांनी जरी राजीनामा दिला असेल तरी त्यांचा विरोधात गुन्हा दाखल करून शासन झाले पाहिजे अशी भूमिकाही यावेळी त्यांनी मांडली.