पुण्यात सर्वाधिक भाडे कोणत्या भागात…भाड्यात सर्वांत जास्त वाढ कुठे? सविस्तर जाणून घ्या…

हिंजवडीत १ हजार चौरस फूट (२ बीएचके) घराची सरासरी किंमत २०२१ च्या अखेरीस प्रति चौरसफूट ५ हजार ७१० होती. ती २०२४ च्या अखेरीस ७ हजार ८०० रुपयांवर पोहोचली. हिंजवडीत घरांच्या किमतीत गेल्या ३ वर्षांत ३७ टक्के वाढ नोंदविण्यात आली आहे. हिंजवडीतील घरभाडे २०२१ च्या अखेरीस १७ हजार ८०० रुपये होते. ते २०२४ च्या अखेरीस २८ हजार रुपयांवर पोहोचले. गेल्या ३ वर्षांत हिंजवडीत घरभाड्यात ५७ टक्के वाढ झाली आहे. त्यामुळे तिथे घरांच्या किमतीपेक्षा भाडेवाढीचा वेग अधिक असल्याचे अहवालातून स्पष्ट झाले आहे.

वाघोलीत १ हजार चौरस फूट (२ बीएचके) घराची सरासरी किंमत २०२१ च्या अखेरीस प्रति चौरसफूट ४ हजार ९५१ रुपये होती. ती २०२४ च्या अखेरीस ६ हजार ८०० रुपयांवर गेली. घरांच्या किमतीत ३ वर्षांत ३७ टक्के वाढ झाली आहे. याचवेळी वाघोलीत घरभाडे २०२१ च्या अखेरीस १४ हजार २०० रुपये होते. ते २०२४ च्या अखेरीस २३ हजार ५०० रुपयांवर पोहोचले आहे. गेल्या ३ वर्षांत तेथील घरभाड्यात ६५ टक्के वाढ नोंदविण्यात आली आहे. त्यामुळे वाघोलीतही घरांच्या किमतीपेक्षा भाडेवाढीचा वेग अधिक असल्याचे अहवालात नमूद करण्यात आले आहे.

पुण्यातील घरांची प्रति चौरसफूट किंमत (रुपयांत)

पुण्यातील २ बीएचकेचे घरभाडे (रुपयांत)