VIDEO: MPSC उत्तीर्ण दर्शना पवारची हत्या करणारा राहुल हंडोरे कोण आहे? पोलीस म्हणाले, “सध्या तो…”

आरोपी राहुल हंडोरे कोण आहे? या प्रश्नाचं उत्तर देताना पोलीस अधीक्षक अंकित गोयल म्हणाले, “आरोपीही एमपीएससीची तयारी करत होता. तो गेल्या काही वर्षांपासून अर्धवेळ नोकरी करून स्पर्धा परीक्षेची तयारी करायचा.”

आरोपी हंडोरे फूड डिलिव्हरी सर्व्हिसेसमध्ये काम करायचा

“राहुल हंडोरेने वेगवेगळ्या परीक्षाही दिल्या आहेत. सध्या तो वेगवेगळ्या फूड डिलिव्हरी सर्व्हिसेसमध्ये काम करत होता आणि एका रुममध्ये रहात होता,” अशी माहिती अंकित गोयल यांनी दिली.

व्हिडीओ पाहा :

हेही वाचा : MPSC परीक्षा उत्तीर्ण होऊन अधिकारी झालेल्या दर्शनाची हत्या; शेवटच्या भाषणात म्हणालेली, “मला…”

“दर्शनाच्या मामाचं घर आणि आरोपी राहुल हंडोरेचं घर समोरासमोर”

“दोघांची ओळख लहानपणापासून होती. दर्शनाच्या मामाचं घर आणि आरोपी राहुल हंडोरेचं घर समोरासमोर होतं. त्यामुळे दोघांची लहानपणापासून ओळख होती. दोघांचं प्रेमप्रकरण होतं की नाही हे सखोल चौकशीनंतरच स्पष्ट होईल,” असंही अधीक्षक गोयल यांनी नमूद केलं.

राहुल हंडोरेने दर्शना पवारची हत्या का केली?

राहुल हंडोरेने दर्शना पवारची हत्या का केली? यावर पुणे पोलीस अधीक्षक अंकित गोयल अंकित गोयल म्हणाले, “आम्हाला सखोल तपास करण्यासाठी वेळ मिळालेला नाही. मात्र, प्राथमिक तपासात असं दिसतंय की, दर्शना पवारने राहुल हंडोरेला लग्नासाठी नकार दिला. त्यामुळे त्याने दर्शनाचा खून केला.”

हेही वाचा : MPSC परीक्षा उत्तीर्ण होऊन अधिकारी झाली, सत्काराला गेली अन्…; दर्शना पवारच्या शवविच्छेदन अहवालात धक्कादायक खुलासे

“राहुलला दर्शनाबरोबर लग्न करायचं होतं”

“दोघांचीही खूप जुनी ओळख आहे. आरोपीला राहुलला दर्शनाबरोबर लग्न करायचं होतं. दर्शनाने या लग्नाला नकार दिला म्हणून राहुलने खून केल्याची प्राथमिक माहिती आहे,” असंही त्यांनी नमूद केलं.