ऐन पावसाळ्यात पुण्यात उकाडा… काय आहे कारण?

गेल्या चार-पाच दिवसांतील तापमानाच्या आकडेवारीचा आढावा घेतला असता शहर आणि परिसरातील कमाल तापमान सरासरी ३० अंश सेल्सियसच्या पुढेच असल्याचे दिसून येते. त्यात १३ ऑगस्ट रोजी मगरपट्टा येथे ३३.२ अंश सेल्सियस, कोरेगाव पार्क येथे ३२.१, शिवाजीनगर येथे ३१.५, एनडी येथे ३०.८, पाषाण येथे ३०.६ १४ ऑगस्ट रोजी मगरपट्टा येथे ३४.४ अंश सेल्सियस, कोरेगाव पार्क येथे ३२.३, शिवाजीनगर येथे ३१.७, एनडीए येथे ३१.५, पाषाण येथे ३१ अंश सेल्सियस, १५ ऑगस्ट रोजी मगरपट्टा येथे ३३.८ अंश सेल्सियस, कोरेगाव पार्क येथे ३२.८ शिवाजीनगर ३१.६, एनडीए येथे ३१.९, पाषाण येथे ३१.२ अंश सेल्सियस तापमान नोंदवले गेले. तर शुक्रवारी मगरपट्टा येथे ३३.५ अंश सेल्सियस, कोरेगाव पार्क येथे ३३, शिवाजीनगर येथे ३२.४, एनडीए येथे ३१.७ पाषाण येथे ३१.६ अंश सेल्सियस, शनिवारी मगरपट्टा येथे ३४.१ अंश सेल्सियस, कोरेगाव पार्क येथे ३३.५, शिवाजीनगर येथे ३२.६, एनडीए येथे ३२.३ पाषाण येथे ३२ अंश सेल्सियस, रविवारी मगरपट्टा येथे ३५.८ अंश सेल्सियस, कोरेगाव पार्क येथे ३५.४, शिवाजीनगर येथे ३३.७, एनडीए येथे ३३.५, पाषाण येथे ३३.८ अंश सेल्सियस तापमान नोंदवले गेले.

हेही वाचा : पुणे: नगर रस्त्यावरील फिनिक्स माॅल बाॅम्बने उडवून देण्याची धमकी, धमकीच्या ईमेलमुळे घबराट

मोसमी पावसात सध्या खंड पडला आहे. अरबी समुद्रावरून मोठ्या प्रमाणात बाष्प येत आहे. त्यामुळे दिवसभर ऊन आणि सायंकाळी गडगडाटी पाऊस असे वातावरण आहे. पाऊस नसल्याने तापमानात वाढ झाली आहे. पुढील दोन ते तीन दिवस उकाड्याचे असणार आहेत. त्यानंतर तापमान कमी होण्याची शक्यता आहे, असे ज्येष्ठ हवामानतज्ज्ञ अनुपम कश्यपी यांनी सांगितले.