भटक्या श्वानांचे संगोपन करणाऱ्या महिलेला धक्काबुक्की करण्यात आल्याची घटना हडपसर भागात घडली. या प्रकरणी एकाच्या विरोधात गुन्हा दाखल करण्यात आला आहे.
हेही वाचा – पुणे : गॅस सिलिंडरची समस्या ऑनलाइन सोडवायला गेली ज्येष्ठ महिला; बसला ५.७ लाखाला गंडा
हेही वाचा – पुणे जिल्ह्यात माजी खासदार-आमदारांचे पुनर्वसन
अंकित पाठक (रा. इन्फिनिया सोसायटी, फुरसुंगी, हडपसर) असे गु्न्हा दाखल केलेल्याचे नाव आहे. याबाबत एका श्वानप्रेमी महिलेने हडपसर पोलीस ठाण्यात फिर्याद दिली आहे. पाठक आणि तक्रारदार एकाच भागात राहायला आहे. संबंधित महिला श्वानांचे संगोपन करते. भटक्या श्वानांना खायला देते. सोसायटीच्या परिसरात भटक्या श्वानांना खायला का देता, अशी विचारणा करून पाठकने श्वानप्रेमी महिलेशी वाद घातला. महिलेने मोबाइलवर चित्रीकरण केले, तेव्हा पाठकने महिलेला धक्काबुक्की करून महिलेचा मोबाइल संच हिसकावण्याचा प्रयत्न केला. पोलीस उपनिरीक्षक डमरे या प्रकरणाचा तपास करत आहेत.
