पिंपरी: आठवले यांच्या उपस्थितीत आज रिपाइंचा महिला मेळावा

पिंपरी: केंद्रीय मंत्री व रिपब्लिकन पक्षाचे राष्ट्रीय अध्यक्ष रामदास आठवले सोमवारी (३१ ऑक्टोबर) पिंपरी-चिंचवड दौऱ्यावर येत आहेत. कासारवाडी येथील ‘कलासागर’ हॉटेलमध्ये सोमवारी दुपारी पक्षाच्या प्रदेश महिला आघाडीच्या वतीने राज्य कार्यकारिणीची बैठक आयोजित करण्यात आली आहे. राज्यभरातील पदाधिकारी या बैठकीसाठी उपस्थित राहणार आहेत. बैठकीनंतर आठवले यांचे मार्गदर्शन होणार आहे, अशी माहिती महिला आघाडीच्या अध्यक्षा चंद्रकांता सोनकांबळे यांनी दिली आहे.