पुणे : राज्याचे माजी मुख्यमंत्री आणि सध्याचे गृहमंत्री देवेंद्र फडणवीस यांना गांधीवाद आणि अर्बन नक्षलवाद यातील फरक समजत नाही. शहरी नक्षलवाद अशी कोणतीही संकल्पना नसल्याचे केंद्रीय गृहमंत्रालयाने लेखी स्वरूपात दिले आहे. मात्र भारत जोडो अभियानातील सहभागी संघटना नक्षलवादी असल्याचा आरोप फडणवीस करत आहेत. त्यामुळे ‘भारत जोडो’ अभियानातील सहभागी कोणत्या संघटना नक्षलवादी आहेत, याची यादी फडणवीस यांनी जाहीर करावी, असे आव्हान ‘भारत जोडो’ यात्रेचे योगेंद्र यादव यांनी येथे दिले.

या बातमीसह सर्व प्रीमियम कंटेंट वाचण्यासाठी साइन-इन करा
Skip
या बातमीसह सर्व प्रीमियम कंटेंट वाचण्यासाठी साइन-इन करा

योगेंद्र यादव यांची काँग्रेस भवन येथे रविवारी पत्रकार परिषद झाली. त्यावेळी ते बोलत होते. अभियानाच्या उल्का महाजन, काँग्रेस शहराध्यक्ष अरविंद शिंदे, प्रदेश सरचिटणीस ॲड. अभय छाजेड यावेळी उपस्थित होते.

नक्की वाचा

हेही वाचा – पुणे : शहरात लुटमारीचे प्रकार वाढीस, दुचाकीस्वार तरुणांना लुटले

‘देशातील लोकशाही आणि राज्यघटना धोक्यात असल्याने भारत जोडो अभियान हाती घेण्यात आले आहे. या माध्यमातून वेळप्रसंगी काँग्रेस, राष्ट्रवादी काँग्रेस आणि शिवसेनेलाही काही मुद्द्यांवर विरोध करण्यात आला आहे. मात्र लोकशाही वाचविण्यासाठी महाविकास आघाडीला मतदान करण्याचे निश्चित करण्यात आले आहे,’ असे यादव यांनी सांगितले.

‘राज्य घटना बदलण्याच्या भाजपच्या हेतूला लोकसभा निवडणुकीतील निकालाने काही प्रमाणात धक्का बसला. हरियाणातील विजयानंतर लोकसभेचे अपयश झाकण्याचा प्रयत्न भाजपकडून करण्यात आला. आत्ताही राज्य घटना बदलण्याचा भाजपचा हेतू कायम आहे. फडणवीस यांचे राहुल गांधी यांच्याबाबतचे विधान त्याचाच भाग आहे. ‘एक देश एक निवडणूक’ अशा संकल्पना राबवून राज्यघटना बदलण्याचे भाजपचे छुपे प्रयत्न सुरू आहेत. भाजपला लाल आणि निळा रंग वर्ज्य आहे. त्यामुळेच या निवडणुकीत भाजपला राज्यघटनेचा मुद्दा नको असून योजनांच्या माध्यमातून पैसे फेकून हा मुद्दा दुर्लक्षित करण्याचा प्रयत्न केला जात आहे,’ असे यादव यांनी स्पष्ट केले.

हेही वाचा – पुणे जिल्ह्यात प्रथमच दुर्मीळ ‘युरेशियन पाणमांजरा’चा शोध, इंदापूरमधील विहिरीमध्ये पडलेल्या पाणमांजराची सुटका

भारत जोडो अभियान नक्षलवादी आहे, असा आरोप फडणवीस यांनी केला आहे. मुख्यमंत्री राहिलेल्या आणि गृहमंत्रीपदाचा कार्यभार सांभाळणाऱ्या देवेंद्र फडणवीस यांना गांधीवाद आणि नक्षलवाद यातील फरक समजत नाही किंवा त्यांना तो जाणून घ्यायचा नाही. शहरी नक्षलवाद अशी संकल्पना नाही, असे अमित शहा यांच्या केंद्रीय गृहमंत्रालयानेच लेखी दिले आहे. मात्र पराभवाच्या भयापोटी भाजपकडून शहरी नक्षलवादाचा मुद्दा उपस्थित केला जात आहे. भारत जोडो अभियानातील सहभागी संघटना नक्षलवादी असतील, तर त्यांच्या नावांची यादी फडणवीस यांनी जाहीर करावी, अशी मागणी यादव यांनी केली.

भविष्यवाणी नाही तर, भविष्य बदलण्याचा प्रयत्न

लोकसभा निवडणुकीतील निकालाबाबत योगेंद्र यादव यांनी अंदाज वर्तविला होता. तो खरा ठरला होता. मात्र, हरियाणा निवडणूक निकालाचा त्यांचा अंदाज चुकला होता. त्यामुळे राज्यातील निवडणुकीत महायुती की महाविकास आघाडी सत्तेत येणार, याबाबतचा अंदाज काय, अशी विचारणा त्यांच्याकडे केली असता भविष्यावाणी करणार नाही. लोकसभा निवडणुकीनंतरही तसे जाहीर केले होते. मी भविष्य सांगणारा नाही तर लोकांचे भविष्य बदलणे हेच माझे काम आहे. महायुतीचे सरकार लूट, झूट, फूट ही निती अवलंबिणारे सरकार आहे. योजनांच्या माध्यमातून दिल्या जाणाऱ्या पैशांचा धोका दाखवून देण्याचे काम आम्ही करत आहोत, असेही यादव यांनी सांगितले.