लोकसत्ता प्रतिनिधी
पुणे: तरुण मुलगा सतत आजारी पडत असल्याने पित्याने त्याचा खून केल्याची धक्कादायक घटना हडपसर भागात घडली. या प्रकरणी पित्याला पोलिसांनी अटक केली.
अभिजीत बाबुराव जायभाय (वय २८, रा. तुकाईदर्शन, काळेपडळ, हडपसर) असे खून झालेल्या तरुणाचे नाव आहे. या प्रकरणी वडील बाबुराव दिनकर जायभाय (वय ५०) यांना अटक करण्यात आली. अभिजीतची आई सुनीता यांनी या संदर्भात हडपसर पोलीस ठाण्यात फिर्याद दिली आहे. जायभाय कुटुंबीय हडपसर भागातील तुकाईदर्शन परिसरात भाडेतत्त्वावर खोली घेऊन राहत आहेत. बाबुराव हमाली करतात. मुलगा अभिजीत काही काम करत नव्हता. तो सतत आजारी पडत होता. त्याच्या उपचाराचा खर्च पेलवत नसल्याने अभिजीतचा गळा दाबून बाबुराव यांनी खून केला.
आणखी वाचा- मुंबई-पुणे महामार्गावर लोखंडी सळई चोरणारी टोळी जेरबंद
या घटनेची माहिती मिळताच पोलीस उपायुक्त विक्रांत देशमुख, हडपसर पोलीस ठाण्याचे वरिष्ठ पोलीस निरीक्षक अरविंद गोकुळे, गु्न्हे शाखेचे निरीक्षक दिगंबर शिंदे, विश्वास डगळे यांनी घटनास्थळी धाव घेतली. बाबुराव यांना अटक करण्यात आली. पोलीस निरीक्षक विश्वास डगळे तपास करत आहेत.
पुणे: तरुण मुलगा सतत आजारी पडत असल्याने पित्याने त्याचा खून केल्याची धक्कादायक घटना हडपसर भागात घडली. या प्रकरणी पित्याला पोलिसांनी अटक केली.
अभिजीत बाबुराव जायभाय (वय २८, रा. तुकाईदर्शन, काळेपडळ, हडपसर) असे खून झालेल्या तरुणाचे नाव आहे. या प्रकरणी वडील बाबुराव दिनकर जायभाय (वय ५०) यांना अटक करण्यात आली. अभिजीतची आई सुनीता यांनी या संदर्भात हडपसर पोलीस ठाण्यात फिर्याद दिली आहे. जायभाय कुटुंबीय हडपसर भागातील तुकाईदर्शन परिसरात भाडेतत्त्वावर खोली घेऊन राहत आहेत. बाबुराव हमाली करतात. मुलगा अभिजीत काही काम करत नव्हता. तो सतत आजारी पडत होता. त्याच्या उपचाराचा खर्च पेलवत नसल्याने अभिजीतचा गळा दाबून बाबुराव यांनी खून केला.
आणखी वाचा- मुंबई-पुणे महामार्गावर लोखंडी सळई चोरणारी टोळी जेरबंद
या घटनेची माहिती मिळताच पोलीस उपायुक्त विक्रांत देशमुख, हडपसर पोलीस ठाण्याचे वरिष्ठ पोलीस निरीक्षक अरविंद गोकुळे, गु्न्हे शाखेचे निरीक्षक दिगंबर शिंदे, विश्वास डगळे यांनी घटनास्थळी धाव घेतली. बाबुराव यांना अटक करण्यात आली. पोलीस निरीक्षक विश्वास डगळे तपास करत आहेत.
