किरकोळ कारणावरुन तरुणावर चाकूने वार करण्यात आल्याची घटना सॅलसबरी पार्क परिसरात घडली. या प्रकरणी एकास पोलिसांनी अटक केली.सुदिन विश्वास सोनवणे (वय ३९ रा. इंदिरानगर, गुलटेकडी ) असे अटक करण्यात आलेल्याचे नाव आहे. मकरंद भीष्माचार्य कबाडे (वय ३६ ) असे गंभीर जखमीचे झालेल्याचे नाव आहे. कबाडे याच्यावर रुग्णालयात उपचार सुरू आहेत.
हेही वाचा >>> पुणे : भांडणे सोडविल्याने एकावर तीक्ष्ण शस्त्राने वार; येरवडा भागातील घटना
याबाबत किरण कबाडे (वय ३६ रा. घोरपडे पेठ) यांनी स्वारगेट पोलीस ठाण्यात फिर्याद दिली आहे. मकरंद आणि आरोपी सुदिन ओळखीचे आहेत. दोघे जण सॅलसबरी पार्क परिसरातील रिक्षा थांब्यावर रात्री थांबले होते. त्या वेळी मकरंदने घरातील वादाची माहिती सुदिनला दिली. घरातील वाद बाहेर सांगत नको जाऊ, असे सांगून सुदिनने मकरंदला शिवीगाळ केली.
त्यानंतर दोघांमध्ये वाद झाले. सुदिनने मकरंदवर चाकुने वार केले. या घटनेत मकरंद जखमी झाला. पसार झालेल्या सुदिनला पोलिसांनी अटक केली. वरिष्ठ पोलीस निरीक्षक अशोक इंदलकर यांच्या मार्गदर्शनाखाली तपास करण्यात येत आहे.
