पुणे कार अपघात प्रकरणी : युवक काँग्रेसकडून निबंध स्पर्धेच आयोजन, तरुणांनी शब्दातून व्यक्त केला रोष

३०० शब्दाचा निबंध लिहिणे,१५ दिवस येरवडा भागात वाहतुक नियमन करणे. व्यसनमुक्ती करीता समुपदेशन घेणे या अटीच्या आधारे अल्पवयीन मुलास जामीन देण्यात आला होता. त्यावर सोशल मीडियावर तीव्र प्रतिक्रिया उमटल्यावर, पुणे पोलिसांनी न्यायालयात पुन्हा अर्ज केल्यावर त्याची रवानगी बालसुधारगृहात करण्यात आली.या सर्व घडामोडी दरम्यान पुणे शहर युवक काँग्रेसकडून अपघाताच्या ठिकाणी निबंध स्पर्धेच आयोजन करण्यात आले होते.

आणखी वाचा

शहरात ज्येष्ठ नागरिकांच्या फसवणुकीचे सत्र कायम, सिंहगड रस्ता, कोंढवा भागातील घटना

२१ नोव्हेंबर पंचांग: वर्षातील शेवटचा गुरुपुष्यामृत योग कोणत्या…

पुणे: अपहरणानंतर तासाभरात शासकीय ठेकेदाराचा निर्घृण खून, विठ्ठल पोळेकर खून प्रकरणात तिघे अटकेत; मुख्य सूत्रधार पसार

वस्त्रदालानाचा दरवाजा उचकटून पावणेचार लाखांची रोकड चोरी

आहे चटकदार पण…

पिंपरी : अपहरण, मारहाण प्रकरणी भाजपच्या माजी नगरसेविकेचा पती, माजी स्वीकृत सदस्यासह ११ जणांवर गुन्हा

स्वारगेट एसटी स्थानकात चोरट्यांचा उच्छाद, प्रवासी तरुणाकडील साडेसहा लाखांचे दागिने चोरीला

वरळी हिट अ‍ॅण्ड रन प्रकरण : गुन्हा करताना सापडल्यानंतरही अटकेचे कारण सांगणे अपरिहार्य ? मिहिर शहाच्या दाव्यावर उच्च न्यायालयाचे प्रश्नचिन्ह

हेही वाचा…विद्यापीठात सापडले अंमली पदार्थ… कारवाई का नाही? युवा सेनेचा सवाल

या स्पर्धेला शहरातील विविध भागातील तरुण मोठ्या संख्येने सहभागी झाले होते.तर आमदार रविंद्र धंगेकर यांनी निबंध स्पर्धेतील सहभागी तरुणांशी संवाद देखील साधला.माझी आवडती कार ( पॉर्शे , फरारी ,मर्सिडीज) दारूचे दुष्परिणाम,माझा बाप बिल्डर असता तर ? मी खरच पोलीस अधिकारी झालो तर ? अश्विनी आणि अनिशचे मारेकरी कोण ? असे विषय या निबंध स्पर्धेत होते.तर ११ हजार १११ रुपयाच पहिल बक्षीस ,१० हजार द्वितीय बक्षीस आणि ५ हजार तृतीय बक्षीस असे बक्षिस देखील जाहीर करण्यात आले आहे.या निबंध स्पर्धेत सहभागी झालेल्या तरुणांनी स्थानिक प्रशासनापासून ते केंद्रातील सत्ताधारी पक्षाबाबत आपला रोष व्यक्त केला.

यावेळी आमदार आमदार रविंद्र धंगेकर म्हणाले की, कल्याणी नगर भागात आठ दिवसापूर्वी अपघाताची घटना घडली.ती अंत्यत दुर्दैवाची असून या प्रकरणातील सर्व आरोपींना शिक्षा झाली पाहिजे अशी मागणी आहे.तसेच पुणे शहरात देशातील अनेक भागातून तरुण आणि तरुणाई शिक्षणासाठी येतात आणि ते पब मध्ये जातात.यामुळे शहरातील पब संस्कृतीला आळा घातला पाहिजे.हे काम राज्य उत्पादन शुल्क आणि पुणे पोलिसाच काम आहे.मात्र हे काम करताना कोणताही विभाग दिसत नाही.या अपघाताच्या घटनेनंतर कारवाईला सुरुवात केली आहे.पण अगोदरच कारवाई केली असती.तर हे निष्पाप तरुण आणि तरुणी वाचले असते,अशी भावना यावेळी त्यांनी व्यक्त केली.

हेही वाचा…Pune Porsched Accident : “अपघाताची…”, अल्पवयीन मुलाच्या आईने चालकाकडे केली होती विनंती

तसेच ते पुढे म्हणाले की,त्या पार्श्वभूमीवर आम्ही प्रशासनाचा निषेध व्यक्त करण्यासाठी निबंध स्पर्धा आयोजित केली आहे. त्याला तरुणांनी चांगला प्रतिसाद देत,त्यांच्या भावनांना निबंधमधून व्यक्त केल्या असल्याचे त्यांनी सांगितले.