पुणे : जंगली महाराज रस्त्यावर झाडाची फांदी डोक्यात पडून तरुण गंभीर जखमी झाल्याची घटना बुधवारी सायंकाळी घडली. जखमी झालेल्या तरुणावर खासगी रुग्णालयात उपचार सुरू आहेत.
आदित्य शिवाजी सौदागर (वय २३) असे जखमी झालेल्या तरुणाचे नाव आहे. त्याच्यावर खासगी रुग्णालयात उपचार सुरू आहेत. आदित्य हा जंगली महाराज रस्त्यावरील छत्रपती संभाजी उद्यानासमोर असलेल्या पीएमपी थांब्यावर बुधवारी सायंकाळी थांबला होता. त्यावेळी अचानक झाडाची फांदी त्याच्या डोक्यात पडली. गंभीर जखमी झाल्याने त्याला तातडीने खासगी रुग्णालयात दाखल करण्यात आले.
हेही वाचा…पिंपरीतील रुग्णालय उडवण्याची धमकी देण्यासाठी ‘व्हीपीएन’चा वापर; पोलिसांची ‘गुगल’कडे धाव
वर्षभरापूर्वी शनिवार पेठेतील ओंकारेश्वर मंदिराजवळ थांबलेल्या अभिजीत गुंड या तरुणाच्या डोक्यात फांदी पडून त्याचा मृत्यू झाल्याची घटना घडली होती. जंगली महाराज रस्त्यावर झाडाची फांदी दुचाकीस्वार महिलेच्या अंगावर कोसळल्याची घटना फेब्रुवारी महिन्यात घडली होती. बिबवेवाडी भागात झाडाची फांदी डोक्यात एका तरुणाचा मृत्यू झाल्याची घटना घडली होती.
हेही वाचा…‘ससून’ची बदनामी थांबवा! रुग्णालयाचे कर्मचारी आक्रमक; मोर्चाद्वारे थेट जिल्लाधिकारी कार्यालयावर धडकले
पावसाळा सुरू होण्यापूर्वी धोकादायक फांद्या महापालिकेच्या उद्यान विभागाकडून काढण्यात येतात. धोकादायक फांद्यामुळे गंभीर दुर्घटना घडल्या आहेत. उद्यान विभागाच्या दुर्लक्षामुळे कुजक्या फांद्या कोसळण्याच्या घटना घडतात, अशी तक्रार नागरिकांनी केली.
