पुणे : मोबाइलमधील हॉटस्पॉट यंत्रणेचा वापर करण्यास नकार दिल्याने तरुणाचा खून, हडपसर भागातील घटना

वासुदेव रामचंद्र कुलकर्णी (वय ४७, रा. उत्कर्षनगर, हडपसर) असे खून झालेल्यांचे नाव आहे. याबाबत कुलकर्णी यांंचे भाऊ विनायक (वय ५२) यांनी हडपसर पोलीस ठाण्यात फिर्याद दिली आहे. याप्रकरणी मयूर भोसले (वय २० रा. वेताळबाबा वसाहत , हडपसर) याला अटक करण्यात आली आहे. कुलकर्णी कुटुंबीयांसह उत्कर्षनगर भागात राहायला आहेत. कुलकर्णी एका खासगी बँकेत कर्मचारी आहेत. रविवारी रात्री साडेदहाच्या सुमारास ते शतपावली करण्यासाठी बाहेर पडले. उत्कर्षनगर परिसरातील पदपथावरुन ते निघाले होते. त्यावेळी पदपथावर थांबलेल्या अल्पवयीनांनी त्यांच्याकडे मोबाइलमधील हाॅटस्पाॅट यंत्रणा वापरास मागितले. कुलकर्णी यांनी त्यांना नकार दिला. या कारणावरुन वाद झाला. गुन्हेगारी प्रवृत्तीच्या अल्पवयीनांनी कुलकर्णी यांच्यावर कोयत्याने वार केले. या घटनेत ते गंभीर जखमी झाले. त्यांच्यावर हल्ला करून मुले पसार झाली.

आणखी वाचा

तो अपघात नव्हे तर हत्या; महामार्गावरील अपघाती मृत्यूचे गूढ उकलले

Pompeii: २५०० वर्षांपूर्वी भारतीय लक्ष्मी इटलीमध्ये कशी पोहोचली?

गृहमंत्र्यांच्या शहरात हत्याकांडाची मालिका! चौघांनी मित्राचा खून करुन मृतदेह रस्त्यावर फेकला…

भुसावळमध्ये तरुणाच्या हत्येनंतर पाच संशयितांना अटक

पंजाबमधील आप आमदाराचा गोळी लागून मृत्यू, लुधियाना डीएमसी रुग्णालयात प्राणज्योत मालवली

पिंपरी : रहाटणीत तरुणाला चाकू, कोयत्याने मारहाण; दोघे अटकेत, तिघांविरोधात गुन्हा

अज्ञात व्यक्तीचा खून करून मृतदेह जमिनीत पुरला, अहिल्यानगर जिल्ह्यातील कर्जत तालुक्यातील घटना

“सात महिन्यांपासून तुरुंगात, भारतीय दूतावासातून कोणी…”, गुरपतवंत पन्नूच्या हत्येच्या कटाचा आरोप असलेल्या निखिल गुप्तांची मोठी माहिती

हेही वाचा – धक्कादायक : किरकोळ वादातून बँक कर्मचाऱ्यावर कोयत्याने वार करून खून, हडपसर भागातील घटना; तीन अल्पवयीनांसह चौघे ताब्यात

कुलकर्णी पदपथावर रक्ताच्या थारोळ्यात पडल्याची माहिती एकाने पोलीस नियंत्रण कक्षाला दिली. त्यानंतर त्यांना तातडीने रुग्णालयात दाखल करण्यात आले. उपचारांपूर्वीच त्यांचा मृत्यू झाला. या घटनेची माहिती मिळताच हडपसर पोलीस ठाण्याचे वरिष्ठ पोलीस निरीक्षक संतोष पांढरे यांनी घटनास्थळी धाव घेतली.

पोलिसांनी तातडीने तपास सुरू केला. हडपसर भागातील बंटर स्कूल परिसरातील वसाहतीत राहणाऱ्या तीन अल्पवयीन मुलांसह एकाला ताब्यात घेण्यात आले. चौकशीत त्यांनी किरकोळ वादातून कुलकर्णी यांच्यावर कोयत्याने वार केल्याची कबुली दिली. कुलकर्णी यांची मुलांशी ओळखदेखील नाही. कुलकर्णी खासगी बँकेकडून गृहकर्ज मिळवून देण्यात मध्यस्थी करायचे. त्यांचे शनिवार पेठेत कार्यालय आहे, असे हडपसर पोलीस ठाण्याचे वरिष्ठ पोलीस निरीक्षक संतोष पांढरे यांनी दिली. पोलीस निरीक्षक पांढरे तपास करत आहेत.

शहरात २४ तासात दोन खून

राष्ट्रवादीचे माजी नगरसेवक वनराज आंदेकर यांचा रविवारी नाना पेठेत खून झाल्याची घटना घडली. त्यानंतर रात्री हडपसर भागात एका तरुणावर तीक्ष्ण शस्त्राने वार करून खून करण्यात आल्याची घटना उघडकीस आली.

हेही वाचा – आरटीईच्या ३१ हजारांहून अधिक जागा रिक्त; प्रवेशासाठी आणखी एक संधी मिळणार?

कुलकर्णी यांनी मोबाइल संचातील ‘हाॅटस्पाॅट’ यंत्रणेचा वापर करण्यास नकार दिल्याने अल्पवयीनांनी त्यांच्यावर कोयत्याने वार करून खून केल्याचे उघडकीस आले. गुन्हा घडल्यानंतर पोलिसांनी तातडीने तपास करून तीन अल्पवयीनांसह एका तरुणाला ताब्यात घेतले. – संतोष पांढरे, वरिष्ठ पोलीस निरीक्षक, हडपसर