20 Minutes Medu Wada Recipe In Marathi: वीकेंड म्हटलं की नेहमीपेक्षा चांगला किंवा असं म्हणूयात हटके काहीतरी खायची इच्छा जास्त वाढते. सुट्टीची मजा घेताना जिभेचे चोचले पुरवण्यासाठी वेगवेगळे पदार्थ हल्ली ऑर्डरच केले जातात. पण एका वेळेनंतर सतत बाहेरचं खाऊन आता वेगळं काय खायचं असाही प्रश्न पडतो. तुमचीही अशीच अवस्था होत असेल तर आज आपण घरीच अगदी सोप्या पद्धतीने व कमी वेळेत तयार होईल अशी मेदुवड्याची भन्नाट रेसिपी पाहणार आहोत. युट्युबसह सोशल मीडियावर प्रसिद्ध असणारं जोडपं म्हणजेच पूजा व शिरीष यांच्या ‘रेड सॉईल स्टोरीज’ या इन्स्टाग्राम पेजवर ही रेसिपी शेअर करण्यात आली आहे. सुरण ही आरोग्यासाठी उपयुक्त भाजी वापरून न वाटता- घाटता आपण मेदुवड्याचे पीठ कसे तयार करू शकता हे आपण आज या व्हिडिओमध्ये पाहणार आहोत. एरवी सुरणाची भाजी पटकन खाल्ली जात नाही पण या पद्धतीने आपण रेसिपी बनवल्यास टाळाटाळ करणारे शुद्ध आवडीने हा पदार्थ खातील.
सुरणाचे मेदुवडे करण्यासाठी साहित्य
उकळत्या सुरणासाठी
आवश्यकतेनुसार पाणी,
६०० ग्राम सुरण (सोलून फोड्या करून)
चवीनुसार मीठ,
¼ कप चणा डाळ, भिजवलेली
सुरण वड्यांसाठी
३-४ हिरव्या मिरच्या, चिरलेल्या,
कढीपत्ता
1 टेस्पून जिरे
½ चमचे बेकिंग सोडा
१ इंच आले, चिरलेले,
1 टीस्पून कोथिंबीर, चिरलेली,
२ कप रवा (१ कप दह्यात भिजवलेला)
1½ लिंबाचा रस,
1 टीस्पून साखर,
¼ टीस्पून फ्रूट सॉल्ट,
चवीनुसार मीठ
तेल
कृती:
सर्वात आधी २ वाट्या रवा १ वाटी दह्यात भिजवत ठेवा.
मग सुरणाच्या साली कडून फोडी करून घ्या. या फोडी पाण्यात उकळायला ठेवा व त्यात भिजवलेली चण्याची डाळ, किंचित मीठ घाला. मिठामुळे सुरण पटकन शिजायला मदत होऊ शकते.
सुरण व डाळ शिजली की एका भांड्यात काढून लाटणं किंवा पळीने नीट घोटून घ्या. यामध्ये दह्यात भिजवलेला रवा घालून नीट मिसळून घ्या.
मग हिरव्या मिरच्या, कढीपत्ता, जिरे, कोथिंबीर, आलं, साखर, मीठ सगळं मिसळून घ्या.
शेवटी बेकिंग सोडा घालून मिसळून घ्या
मग तयार मिश्रणाला मेदुवड्याचा आकार देऊन तळून घ्या.
हे ही वाचा<< एक वाटी मूग डाळीने बनवा लुसलुशीत ‘कटोरी ढोकळा’! कुकरचीही गरज नाही पॅनमध्ये होईल काम, पाहा Video
ही हटके रेसिपी तुम्हाला कशी वाटली हे कमेंट करून नक्की कळवा. तसेच रेड सॉईल स्टोरीजच्या या प्रसिद्ध जोडप्याने लोकसत्ताच्या ‘इन्फ्लुएन्सर्सच्या जगात’ या सिरीजमध्ये मारलेल्या गप्पा सुद्धा आवर्जून पाहा.
