Alu Vadi Recipe In Marathi: संध्याकाळ झाल्यावर लोक कामावरुन घरी यायला निघतात. ट्रेनने प्रवास करुन घरी पोहचल्यावर गरमागरम चहाबरोबर काहीतरी खायला मिळालं तर ते संपूर्ण दिवसाचा थकवा नाहीसा होतो. नोकरदारांप्रमाणे लहान मुलंदेखील ५-६ च्या सुमारास शाळेतून घरी येतात. घरात पाऊल ठेवल्या-ठेवल्या 'आई भूक लागलीये' या वाक्याने त्यांच्या बोलण्याची सुरुवात होते. अशा वेळी त्यांना काहीतरी रुचकर आणि पौष्टिक असा पदार्थ खाऊ घालायचा विचार आईच्या मनात येत असतो. अशा वेळी शाळेतून येणाऱ्या लहान मुलांपासून नोकरीवरुन येणाऱ्या वयस्करांपर्यंत सर्वांसाठी अळूच्या पातवड्या (अळूच्या वड्या) हा पदार्थ बनवू शकता. घरातल्या मंडळींना खूश करण्यासाठी गृहिणींना थोडीशी मदत म्हणून या पदार्थांची सोपी रेसिपी आम्ही खास लोकसत्ता पूर्णब्रम्ह अंकातील घेऊन आलो आहोत. साहित्य : अळूची पाने ३१ वाटी हरभरा डाळअर्धा नारळअर्धी वाटी चिंचेचा कोळ१ कांदा१ कोथिंबिरीची जुडी३ हिरव्या मिरच्याअर्धा इंच आलंअर्धा चमचा हळद१ मोठा चमचा लाल तिखटएक मोठा चमचा जिरेतूप३-४ चमचे तेलपाणीमीठ चवीनुसार कृती : अळूची पाने धुवा, देठ काळजीपूर्वक चिरा.हरभरा डाळ रात्रभर भिजवा. डाळ, मिरची आणि आलं वाटा.त्यात इतर सर्वसाहित्य, मसाला घाला. त्या मिश्रणाचे (मसाल्याचे) तीन भाग करा.पाने पालथी घ्या, गडद हिरवा रंग खाली करा.चिंचेचे पाणी पानांना लावा, मसाला घातलेले पीठ पानांना लावा.तीनही पानांना सात-आठ वेळा पीठ लावा.पाने गुंडाळा आणि वीस मिनिटे उकडा.उंडा गार झाल्यावर त्याचे तुकडे करा.तेलावर कुस्करीत व सोनेरी होईपर्यंत परता.चटणी व लिंबाच्या फोडीबरोबर वाढा. आणखी वाचा - पौष्टिक कोळंबीपासून बनवा कुरकुरीत, मसालेदार कोळंबी कोळीवाडा; सोपी रेसिपी लगेच करा नोट (अळूच्या वड्या हा पदार्थ फक्त नाश्ता म्हणून नाही, तर जेवणातही आवडीने खाल्ला जातो. महाराष्ट्राप्रमाणे गुजरातमध्येही हा पदार्थ फार लोकप्रिय आहे. तेथे याला पात्रा वडी म्हटले जाते.)
