उकाड्याने हैराण झालाय? मग शरीराला थंडवा देणारं बडीशेप सरबत प्या, जाणून घ्या सोपी रेसिपी | badishep sarbat recipe saunf sharbat fennel seeds juice for summer drinks

तुम्हाला माहित आहे का की तुमच्या स्वयंपाकघरात असलेली मसाला बडीशेप तुम्हाला उष्णतेपासून दूर ठेवण्यास मदत करू शकते.

शरीराला थंडवा देणारं बडीशेप सरबत प्या ( palatesdesire/ Freepilk)

Badishep Sarbat Recipe : उन्हाळ्यात आपण अशा पदार्थांचे सेवन करतो ज्यामुळे आपले शरीर थंड राहण्यास मदत होते. या ऋतूमध्ये शरीरात पाण्याची कमतरता होते. कडक सूर्यप्रकाश आणि उष्ण वाऱ्यांमुळे आपण अनेक आजारांना बळी पडू शकतो. म्हणूनच लोकांना उसाचा रस, लिंबूपाणी अशी अनेक देशी पेये प्यायला आवडतात. पण तुम्हाला माहित आहे का की तुमच्या स्वयंपाकघरात असलेली मसाला बडीशेप तुम्हाला उष्णतेपासून दूर ठेवण्यास मदत करू शकते. आज आम्ही तुम्हाला बडीशेप सरबत तयारची पद्धत सांगणार आहोत. त्याचा प्रभाव थंड असतो, जो आपले शरीर थंड ठेवण्यास मदत करतो. बडीशेपचे सरबत बनवणे खूप सोपे आहे. चला जाणून घेऊया हे चविष्ट सरबत कसे बनवायचे.

बडीशेप सरबत रेसिपी

बडीशेपचे सरबत तयार करण्याचे साहित्य

बडीशेप – १/२ कप
साखर – चवीनुसार
लिंबाचा रस – 2 टीस्पून
काळे मीठ – 1 टीस्पून
बर्फाचे तुकडे – 8-10
मीठ – चवीनुसार
पुदिन्याची पाने – 3 ते 4

बडीशेपचे सरबत तयार करण्याचे साहित्य

बडीशेप सरबत करण्यासाठी, सर्वप्रथम ते पूर्णपणे स्वच्छ केल्यानंतर ते चांगले धुवा.
यानंतर, बडीशेप सुमारे 2-3 तास भिजत ठेवा.
ती ओली झाल्यावर बडीशेप पाण्यातून काढून मिक्सरमध्ये टाका आणि त्यात साखर, काळे मीठ, पुदिन्याची पाने आणि पाणी घालून बारीक करा.
आता ही पेस्ट कापडाच्या मदतीने गाळून वेगळी करा.
आता एका ग्लासमध्ये सरबत घाला, त्यात लिंबाचा रस घाला आणि चांगले मिसळा.
आता त्यात बर्फाचे तुकडे टाका आणि तुमचा चविष्ट शरबत तयार आहे.

First published on: 26-04-2023 at 15:36 IST

मराठीतील सर्व रेसिपी बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: Badishep sarbat recipe saunf sharbat fennel seeds juice for summer drinks snk