Coconut Jaggery Barfi recipe In Marathi : दिवाळी म्हंटल की, फराळ हा सगळ्यात पहिला डोळ्यासमोर येतो. ताटात सगळे गोड पदार्थ दिसले की, कोणताही खाऊ आणि कोणता नको असं होऊन जातं. पण, बदललेल्या जीवनशैलीमुळे सध्या सगळेच हेल्दी पर्यायाच्या शोधात असतात. तर तुम्ही सुद्धा फराळात एखादा हेल्दी आणि टेस्टी पदार्थ करण्याचा विचार करत असाल तर ही रेसिपी तुमच्यासाठी आहे. सोशल मीडियावर @foodie_hmm या अकाउंटवरून नारळ, गुळाची बर्फी (Coconut Jaggery Barfi ) बनवण्याची सोपी रेसिपी दाखवली आहे. चला तर पाहुयात ही बर्फी कशी बनवायची ते…
साहित्य (Coconut Jaggery Barfi Ingredients) :
१. किसलेलं खोबरं
२. गूळ किंवा गूळ पावडर
३. मावा किंवा खवा
४. वेलची पूड
व्हिडीओ नक्की बघा…
कृती (How To Make Coconut Jaggery Barfi ) :
१. कढईत तूप आणि किसलेलं खोबरं थोडं भाजून घ्या.
२. नंतर त्यात गूळ किंवा गूळ पावडर घाला आणि मिक्स करा.
३. मावा किंवा खवा घालून मिक्स करा.
४. त्यानंतर त्यात वेलची पूड घाला आणि पुन्हा मिक्स करून घ्या.
५. मिश्रण घट्ट झाल्यावर साच्यात पसरवून घ्या आणि दोन तास सेट करण्यासाठी ठेवा.
६. त्यानंतर बर्फीप्रमाणे त्याचे काप करून घ्या.
७. अशाप्रकारे तुमची नारळ, गूळाची बर्फी तयार.
सोशल मीडियावर हा व्हिडीओ @foodie_hmm या इन्स्टाग्राम अकाउंटवरून शेअर करण्यात आला आहे.
गूळ खाण्याचे आरोग्यदायी फायदे :
गूळ खाण्याचे अनेक आरोग्यदायी फायदे आहेत. गूळ हा रक्तदाब नियंत्रित करण्यासाठी मदत करतो, त्यामध्ये भरपूर लोह उपलब्ध आहे. तसेच तो रक्त शुद्ध करण्यासाठी आणि ॲनिमियाचा सामना करण्यासाठी मदत करतो. कमी ग्लायसेमिक इंडेक्समुळे, हा मधुमेहाच्या रुग्णांसाठीदेखील एक चांगला पर्याय ठरतो. दिवाळीत इतर पदार्थात सुद्धा आपण साखर घालतो. मग या सर्व फराळाच्या पदार्थांना पर्याय म्हणून तुम्ही साखर न घालता नारळ, गूळाची बर्फी बनवू शकता, जी हेल्दी आणि टेस्टी दोन्ही असेल.
© IE Online Media Services (P) Ltd