शुभा प्रभू साटम
बरेचदा आपल्याकडे भात उरतो. मग त्याचे काय करावे, हा प्रश्न पडतो. अशा वेळी थोडेसे डोके चालवत, या भातात आणखी काही जिन्नस मिसळले की एखादा मस्त पदार्थ तयार होतो. असाच एक पदार्थ म्हणजे मका कटलेट.
साहित्य :
* उरलेला भात
* उकडलेले मक्याचे दाणे
* गरम मसाला
* उकडलेला बटाटा
* लिंबूरस
* मीठ
* साखर,
* ब्रेडचा चुरा
* तेल.
कृती
भात थोडासा मऊ हवा. जर फडफडीत भात असेल तर तो थोडा मळून किंवा कुकरला परत थोडा शिजवून घ्या. मक्याचे दाणे, बटाटे, भात, लिंबूरस, मीठ, साखर आणि गरम मसाला एकत्र करून छान मळून घ्या. आता या मिश्रणाचे छोटे गोळे करा. ब्रेडच्या चुऱ्यामध्ये ते घोळवून तव्यावर लालसर रंगावर तळून किंवा भाजून घ्या.
