How to Make Crispy Chakli : चकल्या हा लहानांपासून मोठ्यांपर्यंत अनेकांना आवडतात. गौरी गणपतीच्या वेळी पंचपक्वान्न केले जातात त्यात आवर्जून चकल्या बनवल्या जातात. अनेक जणांची तक्रार असते की खूप प्रयत्न करुनही चकल्या कुरकुरीत होत नाही. टेन्शन घेऊ नका. आज आम्ही तुम्हाला कुरकुरीत चकल्या बनवण्यासाठी खास टिप्स आणि सोपी रेसिपी सुद्धा सांगत आहोत. या टिप्सच्या मदतीने तुम्ही खुसखुशीत चकल्या बनवू शकता.
या बातमीसह सर्व प्रीमियम कंटेंट वाचण्यासाठी साइन-इन करा
Already have a account? Sign in
साहित्य :-
- तांदूळ
- चण्याची डाळ
- उडदाची डाळ
- मूगाची डाळ
- तिखट
- हळद
- ओवा
- पांढरे तीळ
- चकली मसाला
- तेल
- मीठ
हेही वाचा : Ukadiche Modak : गणपतीच्या आवडीचे उकडीचे मोदक कसे बनवायचे? नोट करा ही सोपी रेसिपी
कृती :
- तांदूळ, चण्याची डाळ, उडदाची डाळ आणि मूगाची डाळ मंद आचेवर भाजून घ्या.
- सर्व धान्य एकत्र करुन जाडसर पीठ दळून आणा
- एका भांड्यात पाणी उकळून घ्यावे.
- दळून आणलेल्या पीठात हळद, ओवा, पांढरे तीळ, मीठ, चकली मसाला तिखट आणि मोहन तेल टाका.
- गरम पाण्याने हे पीठ मळून घ्या.
- हे मळलेलं पीठ चकलीच्या सांच्यात भरा आणि चकल्या पाडा.
- मंद आचेवर चकल्या तळून घ्या
चकल्या कुरकुरीत होण्यासाठी काय करावे?
१. धान्य चांगले भाजले नाही तर चकल्या कुरकुरीत होत नाही. त्यामुळे धान्य चांगले भाजावे.
२. चकलीत मोहन तेल योग्य प्रमाणात टाकावं. तेलाचं प्रमाण जास्त झाल्याने चकल्या कुरकुरीत होत नाही.
३. चकल्या नेहमी मंद आचेवर तळाव्यात.
(टीप : वरील लेख हा प्राप्त माहितीवर आधारित आहे)
First published on: 13-09-2023 at 15:17 IST
मराठीतील सर्व रेसिपी बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.
Web Title: Crispy chakli recipe how to make make chakli crispy tips food news kitchen jugaad cooking hacks ndj
Show comments
