अलीकडेच महाराष्ट्रात पाऊस पडून गेला आता हळूहळू थंडीही पडेल. अशा वातावरणात अनेकदा गरमागरम क्रिस्पी, कुरकरीत असं काहीतरी खायचं मन करतं. पण नेहमी तेच तेच खाऊनसुद्धा कंटाळा येतो. नवीन गोष्टी ट्राय करायच्या म्हटल्या तर त्यात खूप वेळही जातो. पण आपण एक अशी रेसिपी जाणून घेणार आहोत जी झटपट तर तयार होतेच आणि क्रिस्पी, चवदारही होते. चला तर मग जाणून घेऊया क्रिस्पी ब्रेड रोलची रेसिपी.
साहित्य
४ ब्रेड
२ बटाटे (उकळून मॅश केलेले)
१ किसलेला कांदा
१ हिरवी मिरची
१ टीस्पून आले-लसून पेस्ट
१ टीस्पून लाल मिरची पावडर
१/२ टीस्पून मीठ
१/२ चमचा धणे पावडर
१/२ चमचा गरम मसाला
हेही वाचा… स्टार्टरचा नवीन प्रकार ट्राय करायचाय? मग आजच बनवा पनीर सॅंडविच पकोडा, वाचा साहित्य आणि कृती
कृती
१. ४ ब्रेड घ्या त्याच्या कडा कापून त्याचे बारीक बारीक तुकडे करा (Bread Crumbs) आणि एक भांड्यात ठेवून द्या.
२. त्यात २ उकळून मॅश केलेले बटाटे , १ चिरलेला कांदा, १ बारीक चिरलेला हिरवी मिरची, १ चमचा आले-लसूण पेस्ट, १ चमचा लाल मिरची पावडर, १/२ चमचा मीठ, १/२ चमचा धणे पावडर आणि १/२ चमचा गरम मसाला घाला.
३. आता हे मिश्रण एकजीव करून घ्या.
४. आता या मिश्रणाचा वापर करून लहान लहान लांब असे रोल्स करून घ्या.
५. आता एक एक करून या रोल्सला ब्रेड क्रंब्सने कोट करा.
६. तेल गरम करून मध्यम आचेवर ठेवून हे रोल्स तेलात तळून घ्या.
७. केचअप किंवा चटणीबरोबर सर्व्ह करा.
ही रेसिपी @khanaPeenaRecipes या युट्यूब चॅनलवरून घेण्यात आली आहे.
