Recipe : ‘या’ पद्धतीने बनवलीत तर सिमला मिरचीसुद्धा सगळे आवडीने खातील; भाजीची रेसिपी, प्रमाण लिहून घ्या….

तर, एखादी भाजी तुम्ही नेहमी बनवता तशी न बनवता, थोड्या वेगळ्या पद्धतीने करून पाहिलीत तर त्या हटक्या चवीमुळे भाजी खाण्यास कंटाळा येणार नाही. आपल्या महाराष्ट्रात पीठ पेरून काही भाज्या बनवल्या जातात. हा प्रकार कांदा, सिमला मिरची, पडवळ इत्यादी भाज्यांसोबत विशेषतः बनवला जातो. आपण नेहमी शिजवतो अगदी त्या पद्धतीने भाजी बनवून त्याला केवळ बेसन/ डाळीचे पीठ लावायचे असते. अशा पद्धतीने, सिमला मिरचीची भाजी कशी बनवायची ते आपण पाहू.

आणखी वाचा

Kitchen Jugaad: दुधात संत्र्याची साल टाकताच कमाल झाली; Video पाहाल तर दररोज कराल हा उपाय

लोकप्रिय मराठी अभिनेत्री दुसऱ्यांदा अडकली लग्नबंधनात; साधेपणाने पार…

आजारी साखर कारखान्यांवर अजित पवार गटाचाही कब्जा; अमित शहांच्या आरोपानंतर विरोधी नेत्यांसह सत्ताधारी गटाचीही चर्चा

अवघ्या काही मिनिटांत बनवा दुधी भोपळ्याची पौष्टिक बर्फी; वाचा साहित्य आणि कृती…

बुंदी रायता नेहमीच खाता, यावेळी ट्राय करा काकडी रायता; पटकन वाचा साहित्य आणि कृती

चविष्ट आणि पौष्टिक मटार पुरी अवघ्या काही मिनिटांत बनवा; जाणून घ्या साहित्य आणि कृती

व्हेज कटलेट खाऊन कंटाळा आलाय? मग झटपट बनवा अंड्याचे स्वादिष्ट कटलेट; वाचा साहित्य आणि कृती

घरात डासांचा सुळसुळाट वाढतोय? केळीच्या सालीचा ‘हा’ सोपा उपाय डासांचा करेल नायनाट

हेही वाचा : Recipe: कडू-कडू कारलीदेखील अगदी आवडीने अन् गोडीने खाल; पाहा ही मसालेदार कारल्याची रेसिपी

सिमला मिरचीची पीठ पेरून भाजी कशी बनवायची?

साहित्य

३ सिमला मिरची
४ चमचे बेसन/डाळीचे पीठ
कोथिंबीर
मोहरी
हिंग
हळद
तिखट
मीठ
पाणी
तेल

हेही वाचा : Viral video : एका मिनिटात पाच पोळ्या होतील लाटून; पाहा व्हायरल होणारी ‘ही’ Kitchen hack…

कृती

• सर्वप्रथम सिमला मिरची स्वच्छ धुवून बारीक चिरून घ्या.
• एका पातेल्यात डाळीचे पीठ घेऊन त्याला ४ ते ५ मिनिटे भाजून घ्या. पिठाचा रंग हलका बदलल्यानंतर गॅस बंद करून पीठ एका बाउलमध्ये काढून घ्या. पीठ जळणार नाही याची काळजी घ्यावी.
• आता एक कढईमध्ये चमचाभर तेल तापवून घ्या. तेल तापल्यानंतर त्यामध्ये, मोहरी घालून तिला तडतडू द्यावे.
• नंतर कढईत हिंग, चिरलेली सिमला मिरची घालून काही मिनिटांसाठी झाकून ठेवा. मधून मधून भाजी कढईला लागू नये यासाठी ढवळत राहा.
• भाजी अर्धवट शिजल्यानंतर त्यामध्ये अर्धा-पाऊण चमचा हळद, एक चमचा तिखट, चवीनुसार मीठ घालून सर्व पदार्थ व्यवस्थित मिसळून घ्या.
• सिमला मिरची पाणी सोडू लागल्यानंतर, आधी भाजून घेतलेले डाळीचे पीठ कढईमध्ये हळूहळू घालून भाजी ढवळत राहा. मात्र पिठाच्या गुठळ्या होणार नाहीत याची काळजी घ्यावी.
• तुम्हाला भाजी कोरडी हवी आहे की, थोडी रसदार त्यानुसार पाणी घालून पुन्हा एकदा भाजी ढवळून घ्या; आणि काही मिनिटांसाठी झाकून ठेवा.
• भाजी पूर्ण शिजल्यानंतर, बारीक चिरलेली कोथिंबीर घालून गॅस बंद करावा.
• तयार आहे तुमची पीठ पेरलेली सिमला मिरचीची भाजी.