सध्या अनेकांच्या शरीरात रक्ताचे प्रमाण कमी असल्याचे डॉक्टर सांगतात. अशावेळी आपण लगेच औषध ,गोळ्या सुरु करतो. जेणेकरून, त्याचा रक्त वाढीसाठी फायदा होईल. अनेक वेळा हेल्दी डाएट घेतल्यानंतरही काही लोकांच्या शरीरात रक्ताची कमतरता जाणवते. अशा परिस्थितीत लोहयुक्त पदार्थांचे सेवन करणे तुमच्यासाठी सर्वोत्तम ठरू शकते. दरम्यान आता रक्ताचे प्रमाण वाढवण्यासाठी कोणत्याही औषध ,गोळ्या घेण्याची गरज नाही. कारण, आज आम्ही तुमच्यासाठी असा सरबत घेऊन आलोय जो उन्हाळ्यात शरीरासाठीसुद्धा उपयुक्त असेल आणि शरीरातील लोहाचे प्रमाण देखील वाढवेल. त्यामुळे कोणतीही बाहेरची औषध न खाता पिऊन बघा घरीच केलेला लोहयुक्त सरबत. लोहयुक्त सरबत बनविण्यासाठी लागणारे साहित्य - एक स्वच्छ धुतलेले डाळींबएक बीट (सोलून घेणे)गाजरखजूर ५ ते ६ लोहयुक्त सरबत बनविण्याची कृती - बीटरूटलाही लोहाचा उत्तम स्रोत मानला जातो. एका बाउलमध्ये डाळींब सोलून त्याचे दाणे काढून घ्यावे. त्यात बीट आणि गाजराचे लहान लहान तुकडे करून हे सर्व एकत्र करून घ्यावे. एकत्र केलेलं हे मिश्रण मिक्सरच्या भांड्यात घेऊन त्यात ५ ते ६ खजूर घालून मिक्सरमध्ये हे मिश्रण बारीक करून घ्यावे. बारीक झालेले हे मिश्रण एक गाळणी घेऊन बाउलमध्ये गाळून घेऊन ग्लासमध्ये ओतावे. अशाप्रकारे तयार झाला आपल्या आरोग्यासाठी उपयुक्त असा लोहयुक्त सरबत. हे प्यायल्याने शरीरातील लाल रक्तपेशी वाढतात. यासोबतच ऑक्सिजनचा पुरवठाही चांगला होऊ लागतो. हेही वाचा - आता डायबिटीज रुग्णही केक खाऊ शकतात! नाचणीचा केक चवीसोबत आरोग्यदायीही, नोट करा रेसिपी रक्तातील ऑक्सिजनची पातळी सुधारण्यासाठी हिमोग्लोबिन खूप महत्वाचे आहे. हिमोग्लोबिनची पातळी वाढवण्यासाठी लोहयुक्त आहार घेणे अत्यंत आवश्यक आहे. हे एक खनिज आहे, म्हणून ते रक्तातील हिमोग्लोबिनची पातळी सुधारण्यास मदत करू शकते. तसेच लोहयुक्त पदार्थांचे सेवन केल्यास रोगप्रतिकारशक्ती वाढू शकते. एवढेच नाही तर याद्वारे शरीराचे तापमानही नियंत्रित करता येते. रक्त हे आपल्या शरीरात खूप महत्त्वाचे असते.त्याशिवाय आपण जगू शकत नाही.यासाठी आपण काळजी घेणे गरजेचे आहे.
